شاشة

متعة.. الإعلامية حنان البهي تكشف تفاصيل عملها بغسل الموتى

تحدثت الإعلامية حنان البهي، عن تعلمها الغسل واتجاهها للتطوع لغسل المتوفيات من النساء والفتيات، كنوع من أنواع العمل الصالح.

تابعت “البهي” خلال لقائها مع برنامج “اسأل مع دعاء” مع الإعلامية دعاء فاروق، المذاع عبر شاشة “النهار”: “ربنا يكرمها منى صلاح هي اللي علمتني الغسل من زمان، وفي البداية علمتني على عروسة.. كنت متخوفة في البداية لحد ما حماتي ألف رحمة ونور عليها قبل ما تموت قالتلي انتي اللي هتغسليني، وحطتني في الموقف وأنا مكنتش عاوزة”.

نرشح لك: الحالات التي يجوز فيها استخراج الموتى من القبور


أضافت: “ومن وقتها وأنا بغسل حتى ناس معرفهمش، في غسل في مستشفى أو مركز.. عندنا جروبات وأنا مبقولش لأ أبدا، في فترة بس جوزي كان منعني، لكن دي متعة مفيش بعدها متعة”.

أردفت: “بتبقي في مكان حلو أوي وبتعملي حاجة ربنا طالبها منك، واللي تحت إيدك دي محدش عارف يعملها اللي انتي بتعمليه، وبتدعي وانتي متيقنة إن ربنا هيستجيب الدعاء.. هعوز إيه أكتر من كده؟”.

استطردت: “إحنا بنعمل ده لله، لا بناخد فلوس ولا حاجة، في أحيانا غسل بيخلص تكوني زعلانة إنه خلص.. بس ساعات كان يبقى في غسل من أوله لأخره بعيط عشان المتوفاة مثلا طفلة صغيرة أو شابة وماتت في حادثة أو إهمال طبي”.

الإعلامية حنان البهي

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock