كلمات أغنية "روح الروح" لـ حمادة هلال

سالي فراج

طرح الفنان حمادة هلال، فيديو كليب جديد بعنوان “روح الروح” وذلك عبر قناته الرسمية على موقع “يوتيوب”.

كليب “روح الروح” من كلمات مصطفى حدوتة، وألحان حمادة هلال، وتوزيع إسلام ساسو.

نرشح لك:شاهد كليب “روح الروح” لـ حمادة هلال

وجاءت كلمات الأغنية كالتالي:

ياللي بتتقل عليا

ما تلخص يلا وتعالى

ليه كل ما أقول بحبك

بترد الحب اشتغاله

قلبي من يوم ما حبك

مش عارف أوصف له حالة

بيتك ده حضن ولو مشيت هيجيله قرار إزالة

لا وألف لا أنا مش هقبل إلا بيك

لا تبعد دقيقة أنا غصب عنك ليا فيك

بص هقولها بصراحة، ومش هجيبها بشكل شيك

احسبها زي ما تحسبها

بالعافية أنا هبقى ليك

اسمع يا روح الروح

مش هسيبك مني تروح

هتفكر تخرج من قلبي

مش هتلقى الباب مفتوح

بص شوف هقولك إيه

واللي أقوله تمشي عليه

إنت ليا لوحدي وبس

ومتسألش إزاي وليه

اسمع يا روح الروح

مش هسيبك مني تروح

هتفكر تخرج من قلبي

مش هتلقى الباب مفتوح

قولي بحبك قول خلي الواحد ينسى همه

أيوة أنا محتاج لحبك

لا مقدرش استغنى عنه

قلبك لو بحر حب

أنا هاخد كل الحب منه

صدقني دا مش كلام وخلاص

كلامي أنا في محله

إوعى تفكرها سايبة

وإنك عادي تروح وتسيبني

لا مستحيل دا يحصل

ما تبطل يابني تلاعبني

متهزليش في راسك ولا إنت حابب تتعبني

إنت هتفضل معايا أنا وبالشكل اللي يناسبني.

يشار إلى أن حمادة هلال، قدم مؤخرا خلال موسم رمضان الماضي مسلسل “المداح 2”.

مسلسل “المداح 2” أسطورة الوادي، بطولة حمادة هلال، أحمد عبد العزيز، وسهر الصايغ، وهبة مجدى، وعدد كبير من الفنانين، إخراج أحمد سمير فرج.