كلمات أغنية "نص الحاجات" لـ مسار إجباري
كلمات أغنية نص الحاجات
طرحت فرقة “مسار إجباري” أجدد أعمالها وهي فيديو كليب أغنية “نص الحاجات”، وذلك تمهيدا لصدور ألبومها الجديد.
وتعد الأغنية الجديدة أولى أغاني ألبوم مسار إجباري الرابع، والذي يحمل نفس اسم الأغنية “نص الحاجات”، وتستعد لإطلاق أغانيه فرادى بواقع أغنية سنجل على فترات متقاربة خلال موسم الصيف الجاري، والأغنية من كلمات الشاعر محمد البحيري وألحان هاني الدقاق وتوزيع الفرقة.
وجاءت كلمات أغنية نص الحاجات
مكتوب عليك نص الحاجات مكتوب عليك نص العما
مكتوب عليك نص السكات نص العياط والهمهمة
مكتوب عليك نص انبساط متبقي من نص اترمى
مكتوب عليك نص السما مالكش حق في كلها
نص امتحان من الملزمة نص الحلول هتحلها
مكتوب عليك حبة حاجات حبة حاجات من ضمنها
تبص بصة على اللي فات كام نص مات
كام نص عاش كام نص مستنيك ماجاش
بصة على اللي فات كام نص مات
كام نص عنك مرة حاش نص اللي كان مغفلك
ياما تهت ياما واتمنيت علامة
ومشيت عكس عكاس
واتعشمت في ناس
عايش بين وشوش عايز ناس ماجوش
انصاص بحوّشها وبحوش
لحالي بحالي
أنا اللي اتكفيت وأنا اللي اكتفيت
ورحت ياما وياما جيت لفيت وبقيت
أنا الحاوي أنا الغاوي ده أنا مخاوي
أنا الغاوي في عز النوّة أعوم
وياما وقعت ياما بس برجع تاني أقوم
وتستعد مسار إجباري للاحتفال بإطلاق أول إصدارات الألبوم الجديد بحفل غنائي ضخم في الإسكندرية مساء الجمعة المقبل، في مستهل جولة حفلاتها الغنائية في موسم الصيف.
نرشح لك: كلمات أغنية “الناس نوعين” لـ محمد عدوية وسداوي
وتعيد “نص الحاجات” التعاون بين الشاعر محمد البحيري ومسار إجباري بعد أغنية “حد تايه” التي ظهرت منذ عامين خلال جائحة كورونا، كما يأتي ألبوم مسار المنتظر بعد مرور أكثر من ثلاث سنوات منذ ظهور آخر ألبومات الفرقة “الألبوم”.
مسار إجباري تعد من أهم وأقدم الفرق الغنائية في مصر والعالم العربي، تمتد رحلتها لأكثر من عشرين عاما حصيلتها ثلاثة ألبومات، “اقرا الخبر” و”تقع وتقوم” و”الألبوم”، ومن أبرز أغنياتها “نهايات الحكاوي” و”شيروفوبيا” و”صباحك”.