عمرو وهبة عن ”في بيتنا روبوت 2”: هدفنا الأطفال

شدوى ممدوح عمرو وهبة

أعرب الفنان عمرو وهبة عن سعادته بالمشاركة ككاتب وممثل في مسلسل ”في بيتنا روبوت 2”، الذي يعرض خلال شهر رمضان الحالي.

قال ”وهبة” خلال حواره في برنامج ”زي كل سنة” مع الإذاعية غدير حسان، الذي يبث على راديو ”9090”، إنه استغرق ما يقرب من عام لكتابة 30 حلقة فى المسلسل، وبذل مجهودا كبيرا في الكتابة. لافتا: ”تعبت جامد وأنا بكتب المسلسل، بكتبه من شهر 6، وأول مرة ليا أكتب حاجة زي دي لأني على طول بكتب إسكتش أو حلقة، أو مسلسل 15 حلقة بس”.

نرشح لك: عمرو وهبة يتحدث عن ابنه “يحيى” وكيف يقوي علاقته به

أضاف: ”كان صعب عليا أكتب مسلسل كوميدي من 30 حلقة في رمضان، وهشام جمال هو اللي شجعني، وكنت عايز كل الناس تتبسط بالمسلسل سواء ممثلين أو جمهور، وكنت براعي حق كل ممثل في الظهور، ودي كانت مسئولية كبيرة عليا لكن الحمد لله رد الفعل كويس دلوقتي”.

وعن ردود الأفعال أردف ”وهبة”: ”الحمد لله الناس كلها مبسوطة سواء صغيرين أو كبار، والناس عاجبها إن المسلسل في جزء خاص بالأطفال، بالذات إن السنة اللي فاتت مكنش هدفنا الأطفال أوي، وهشام جمال بيراعي في كل مسلسلاته الجزء الخاص بالبيوت، وكل حلقة قاصدين نزرع فيها حاجة نعرف الأطفال بيها إن الكدب مش صح مثلا، وكمان الحلقات اللي جاية هتتكلم عن حاجات خاصة بالأكل والشرب والسلوك اليومي والعبادة والصلاة”.

تابع: ”كل حلقة كنا بنفكر إزاي هنقدم قيمة معينة للأطفال نخليهم يتعلموا منها ويستمتعوا بها في نفس الوقت، وبذات إننا معانا أطفال في المسلسل”.