فيفي عبده: "أغلب الناس اللي بيموتوا من الفنانين بيبقى من القهر"
علقت الفنانة فيفي عبده، على عرض مقطع فيديو مؤثر للفنانة الراحلة تحية كاريوكا، التي قالت فيه إن فيفي عبده تقدم لها مساعدات كبيرة، ووصفتها بأنها ابنتها.
ردت فيفي عبده، خلال حوارها مع الإعلامية بسمة وهبة في برنامج “العرافة“، على قناة المحور، قائلة: “مش جديد على الراقصات على فكرة.. كل الراقصات معروف عنهم الجدعنة زي الحاجة تحية ونجوى فؤاد وسهير زكي وغيرهم وبوسي ودينا واللي راحوا كمان”.
نرشح لك: فيفي عبده: “مش على راسي بطحة علشان أخاف”
في سياق آخر، قالت فيفي عبده، إن نجوى فؤاد لم تقل أبدا إنها في حاجة إلى أي مساعدة، متابعة: “الوجود عند الفنان مش إننا نديله فلوس، ممكن يبقى معاه فلوس بس عاوز ناس، وبشر، من حقها إنها تمثل وتبقى أم أو خالة”.
أضافت: “أنا متطمنة عليها وعارفة إن حالتها كويسة، معرفتش تعبر لما قالت عاوزة آكل عيش، نجوى فؤاد مش عارفة تعبر عن مشاعرها الحقيقية”.
تابعت: “أغلب الناس اللي بيموتوا من الفنانين بيبقى من القهر، الناس بيبقوا حواليهم ومرة واحدة ميبقوش معاهم، الكلام ده مكنش موجود قبل كده، زمان الناس كانت بتسأل على بعض .. نجوى محتاجة تشتغل، وعمرها ما قالت لحد اديني، هي عاوزة شغل عشان تبقى قدام الكاميرا لأنها بتحبها”.
