فيفي عبده: "مش على راسي بطحة علشان أخاف"
قالت الفنانة فيفي عبده، إنها لا تمانع من فكرة أن تستند على وجود زوج في حياتها، لأنه أوقات يكون عمود البيت.
أشارت “عبده” خلال حلولها ضيفة على برنامج “العرافة“، المذاع عبر شاشة “المحور” مع بسمة وهبة، إلى أنها لا تقبل أن تحتفظ بزوجها مقابل الضعف، مضيفة: “مقدرش أقول كده، احتفاظي بالراجل مش بيبقى بالطريقة دي، لأن مش على راسي بطحة إني أخاف من حد، أنا بتكلم على سجيتي، وجوزي عرف يحتويني وعرف قيمتي وده مهم جدا”.
نرشح لك: فيفي عبده: “الرقص هو الأكسجين اللي بتنفسه”
تابعت: “الست ممكن تغير راجل، والراجل ممكن يغير الست، لكن أنا محدش يقدر يغيرني، لا أنا على مبدئي”.
في سياق آخر، قالت إن الله منحها نعم كثيرة مثل حب الناس والنجاح والشهرة، مردفة: “أنا في مكاني وبحاول أحافظ على مستوايا ودي حاجة مهمة لأي حد، ودايما بدعي ربنا أقوله اديني الصحة والعمر، وأكمل مع ولادي وجمهوري اللي بحبه، لأن جمهوري عيلتي”.
أضافت: “أنا مش قوية خالص، أنا باخد القوة لأن طول عمري بشتغل مع رجالة ورايا، عندي 150 موسيقي بيشتغلوا معايا، يعني 150 بيت أنا فتحاهم، لو ضحكت لهم يستهتروا ولو أديتهم الوش البلاستيك خلاص”.
تابعت: “بتسند على ربنا ومعنديش حاجة تانية، وبتسند على دعاء الأم وحب الناس، وده اللي بعتبره الكنز، الناس بتدعي لي من غير ما أعرف مين دول، وممكن أتسند على الراجل لأنه عمود البيت، الراجل الحنون اللي يعرف قيمة الست”.