سليمان عيد: فيلم جاءنا البيان التالي نقطة تحول في حياتي
قال الفنان سليمان عيد: بدايتي كانت في مسرح كلية تجارة جامعة القاهرة، وعملت مسرحية في الجامعة اسمها ” جمهورية فرحات ” تأليف دكتور يوسف إدريس، وإخراج زميل ليا اسمه وائل زكريا، و في تانية جامعة عملت مسرحية ” أيضا كلام فارغ ” مع شاكر خضير.
و أضاف عيد خلال حواره لبرنامج ع اللوكيشن مع شريف الليثي علي راديو هيتس: شاكر خضير طلب مني اروحله مسرح ” باب اللوق” علشان يستفيد من الإفيهات بتاعتي ، وماكنتش مصدق إني هشوف سمير غانم، وشاكر خضير من أكتر الناس اللي دعمتني و خلاني أشوف سمير غانم، و بحس إن الضحك والإفيهات علاج للناس .
نرشح لك: أشرف زكي: سليمان عيد اتهمني بالفساد عقب ثورة يناير
وتابع: عملت أكتر من ٩٨ فيلم، و ٢٥٠ مسلسل ، و ١١٥ مسرحية، أما أول نقطة تحول في حياتي كان فيلم ” جاءنا البيان التالي “، و النقلة التانية في حياتي كانت في فيلم ” عسكر في المعسكر “، و عملت ٤٠ مشهد في فيلم ” جواز بقرار جمهوري ” .
و بالنسبة لأول فرصة في حياتي كانت في فيلم ” الطريق إلي إيلات ” وضحيت بمسرحية ” جوز و لوز ” علشان الفيلم و في النهاية دوري اتشال.
واختتم قائلا: مبنساش أيام المعهد كنت ساكن مع علاء مرسي، وكان بيدفع ١٠ جنيه و انا ٧ جنيه و كنا مبسوطين جدًا.
