تارا عماد عن مشاركتها في فيلم "الجواهرجي": بقيت بنجذب للكوميدي

دنيا شمعة

قالت الفنانة تارا عماد، إنها تحضر حاليا لفيلمين جديدين وهما “الجواهرجي” و”نصي الحلو”، لذلك لم تتابع كل الأعمال الرمضانية المعروضة خلال الموسم الحالي.

تابعت “تارا” خلال لقائها مع “ET بالعربي“: “اللي أنا لاحقة أتفرج عليهم اليومين دول، هما (فاتن أمل حربي) و(الكبير أوي 6).. مسلسل (فاتن أمل حربي) مهم جدا وبيناقش قضايا كتيرة أوي كانت محتاجة إنها تتحط في عمل درامي، لأننا كتير أوي بنسمع عن قصص شبيهة بس بتبقى عابرة بالنسبالنا سواء في خبر أو على السوشيال ميديا”.

نرشح لك: حسن شاكوش: خسرت 4 مليون جنيه بعد أزمتي مع نقابة الموسيقيين

أضافت أنها فخورة بالعمل مع الفنان محمد هنيدي والفنانة منى زكى في فيلم “الجواهرجي”، معلقة: “أنا دايما بقول مش عاوزة أعمل كوميدي، بس غالبا بقيت بنجذب للكوميدي.. وإني أشتغل مع محمد هنيدي ومنى زكي ده بالنسبالي حاجة كبيرة أوي، والفيلم فيه أجواء حلوة أوي بجد”.

وعن تفاصيل شخصيتها بالفيلم، أوضحت: “هي شخصية مرحة أوي، ومن الشخصيات اللي دايما طايرة في الهوا كده.. بس شخصية لذيذة وعفوية تماما”.

كما كشفت أنها تحضر أيضا لبطولة فيلم جديد بعنوان “نصي الحلو” مع الفنان رامز جلال.

يشار إلى أن تارا عماد تشارك في الموسم الرمضاني الحالي، في مسلسل “suits” بالعربي، وهو النسخة العربية من المسلسل الأمريكي العالمي الشهير Suits وسيناريو وحوار ورشة محمد أمين راضي وإخراج مريم أحمدي ويشارك في بطولته آسر ياسين، أحمد داود، صبا مبارك، تارا عماد، محمد شاهين.