كلمات تتر مسلسل "في بيتنا روبوت 2"

شدوى ممدوح

يشارك الجزء الثاني من مسلسل في بيتنا روبوت 2 في الموسم الرمضاني 2022، ويعرض على قناة “الحياة”.

وجه صناع العمل في بداية التتر إهداء إلى روح الفنانة الراحلة دلال عبد العزيز، جاء فيه: “إهداء إلى روح الأم العظيمة والفنانة الكبيرة وأول من دعم هذا العمل.. دلال عبد العزيز”.

نرشح لك: تفاصيل الحلقة الأولي من مسلسل “المشوار”

أغنية التتر غناء وإخراج هشام جمال، كلمات أمير طعيمة وهشام جمال، ألحان هشام جمال، توزيع مادي، مكساج بيشوي مجدي .

وجاءت كلمات الأغنية كالتالي:

بحلم أعيش حياة هادية وبسيطة
من غير خناق ولا يبقى في دوشة ولا حوارات
وأنجح في شغلي وأعمل أفكار جديدة
يحطوا صورها في الشوارع وكل الإعلانات

بحلم أجيب بيبي يكون شبهك بالميللي
حنين عليا ويكون ناجح أوي زيك كمان
بحلم ألف معاك كل الدنيا وتقولي
كل اللي نفسك فيه أنا هعمله مهما كان

كل يوم حكاية هتشوفها من البداية
يا رب نهاية سعيدة
لسه حواديت كتيرة
فيها مفاجأت كبيرة
وبكرة حكاية جديدة

بحلم بشغل سهل وبمرتب عالي
ومدير لذيذ ومفيش جهاز بصمة تاني خلاص

أنا نفسي جوزي ما يشوفش واحدة في جمالي
وإن بص كده أو كده على طول يندب في عينه رصاص

بحلم بيوم يجي ياخدني فارس أحلامي
بحصانه الأبيض ويعيشني ملكة طول الزمان

جايز مش فارس بس أنا هديلك أيامي
وهطاردك ووراكي وراكي
وهوصلك مهما كان

نفسي تعملي روبوت يعقد على طول معايا
يكون شكلي وأفضل معه نلعب للنهار

يا حبيبي مزهقتش بقى من اللعب أرحمني كفاية
من فضلك قوم خلص واجباتك أنا مش عايزه هزار

أنا عايزه أرتاح من الشغل وأدلع شويه
وأمر وأقول وأنتوا عليكوا تنفذوا الكلام

معنديش أحلام أنا عايزه أصحى وأنام
معملش ولا حاجة في الدنيا

قصة مسلسل في بيتنا روبوت

هو الجزء الثاني من “في بيتنا روبوت”، ويحكي المسلسل قصة “يوسف” مهندس برمجيات شاب ويجسد شخصيته هشام جمال، يقوم بتطوير نموذجين من البشر الآليين، أولهما على هيئة أنثى اسمها “زومبا” التي تقدمها شيماء سيف، والثاني على هيئة ذكر يسميه “لذيذ” ويجسده عمرو وهبة، ليقوم الاثنان بمساعدته في شركته ومساعدة زوجته “سارة” وهي ليلى أحمد زاهر، على القيام بأعمالها المنزلية.

أبطال مسلسل في بيتنا روبوت 2

المسلسل بطولة، هشام جمال، وليلى زاهر، وشيماء سيف، وعمرو وهبة، والفنانة الراحلة دلال عبد العزيز، وأوتاكا، وطه دسوقي، ومي دياب، وعدد كبير من ضيوف الشرف، وإنتاج روزناما، وإخراج هشام ماجد، وتأليف أحمد محي ومحمد المحمدي.