تفاصيل الحالة الصحية لـ نجوى فؤاد
كشفت الفنانة نجوى فؤاد، عن تفاصيل حالتها الصحية، بعدما أصيبت بانزلاق غضروفي.
قالت “فؤاد” إنها تعاني من انزلاق غضروفي بين الفقرة الرابعة والخامسة، متابعة: “وضاغط على العصب عامل آلام مبرحة وبتعالج علاج طبيعي في المنزل وليس المستشفى”. وفقا لـ”اليوم السابع“.
نرشح لك: نجوى فؤاد: مفيش حد في الوسط بيسأل عن حد!
تابعت: “الدكتور بيستخدم الليزر والعلاج الطبيعي باليد عشان يحاول يطلع العصب ما بين الفقرتين والحمد لله مفيش جراحات، وأنا حاليًا بتحرك في المنزل وأنا بتسند، وإن شاء الله يكون في نتيجة تحسن بعد 10 أيام على حسب كلام الطبيب”.
في سياق آخر، كانت الفنانة نجوى فؤاد، عبرت عن استيائها من غياب سؤال الفنانين عن بعضهم البعض، مشيرة إلى أنه لا أحد يتواصل معها سوى 3 أشخاص.
قالت “فؤاد” خلال فيديو نشرته الفنانة منة جلال على حسابها بموقع تبادل الصور والفيديوهات “إنستجرام“: “اللي بيسئل عليا في الوسط الفني منة جلال أولا، وسعيدة جلال، ونبيلة عبيد لن أنسالها مواقفها الأيام دي أبدا ربنا يديلها الصحة والعمر.. لما حتى بيكون عندنا حاجة بكلم النقيب ولما سمير صبري تعب كلمته وقولتله إن سمير تعب ونقلوه المستشفى”.
تابعت: “مفيش حد في الوسط بيسأل على حد خالص، ليه؟ حرام.. مش عشاني أنا عشانا كلنا، عشان إحنا اللي بنحب بعض وبنجري ورا بعض وبنتمنى السعادة لبعض.. حبوا بعض هتلاقوا الخير”.