ياسمين عز عن ضرب عروس الإسماعيلية: أصيلة واحتوت راجلها
علقت الإعلامية ياسمين عز، على الجدل الذي أثير مؤخرا، بعد تداول مقطع فيديو لضرب عروس الإسماعيلية على يد عريسها.
قالت “عز” خلال حلقة مساء الجمعة من برنامج “كلام الناس“، الذي تقدمه عبر شاشة mbc مصر، إن الرجل عنيف بطبعه، لذلك وجب على المرأة أن تحتويه، باعتباره نعمة كبيرة من الله.
نرشح لك: عروس الإسماعيلية عن ضربها: المشكلة كانت فيا أنا
تابعت: “الراجل بطبعه حامي وحمش وعلى المرأة أن تحتويه، راجلك ده هدية ربنا ليكي على الأرض نعمة من ربنا عليكي، بعنيكي وحافظي عليه”.
أضافت معلقة على واقعة ضرب العروس: “دي عروسة بنت ناس وأصيلة ومن عيلة، لمت دنيتها، ودارت على شمعتها واحتوت الموقف، واحتوت جوزها وراجلها، ومش معقول هتبوظ فرحها وتبوظ فرحتها وتبوظ حب 13 سنة، علشان موقف احنا مش عارفين تفاصيله، احنا لينا بالنهاية إنه سمنة على عسل، أكيد العريس عنده رصيد كبير أوي عند عروسته يخليها تغفر له والمسامح كريم”.
في نفس السياق، وجهت نصائحها للنساء مؤكدة على أن سعادة المرأة تكمن في وجود الرجل، معلقة: “اللي تقولك من أول ضربة أو لمسة طلقيه دي مش بتحبك، ولما تطلقي صاحبك دي مش هتجيب لك عريس هتقعدي في البيت، فمش كل حاجة تحصل من الراجل نقوله يلا طلقني”.
أضافت: “الراجل نعمة كبيرة من ربنا، أنعم علينا بيها، ويقولك ضل راجل ولا ضل حية، الأمثال دي موجودة من أيام الطيبين، سعادة المرأة في وجود الرجل، ضهرك وأمانك وحمايتك، زمان كانوا الستات بتوع زمان الحلوين يقولوا يا سي، جت من سيدي وتاج راسي، حد هيقولي سيدي وتاج راسي هو احنا هنرجع لزمن الجواري!، اه لما هو يكون سيد وتاج راسك، يبقى انتي الملكة بتاعته، والله ما في زوج بعد الكلمتين دول هيزعلك، دي روشتة كده نصيحة خديها واسمعي للي بيقولك خافي على بيتك وحافظي عليه”
