أبو جبل: لم أحسم موقفي من التجديد للزمالك
حل محمد أبو جبل حارس مرمى منتخب مصر، ضيفا على برنامج “معكم منى الشاذلي“، مساء اليوم، على قناة cbc، ليتحدث عن بداياته في كرة القدم، وكواليس مشاركته في كأس الأمم الإفريقية، وكذلك بعض تفاصيل حياته الشخصية.
أوضح أبو جبل خلال حواره مع الإعلامية منى الشاذلي، أنه لم يحسم موقفه من التجديد لنادي الزمالك، بل الأمر لا يزال في مرحلة المفاوضات، مؤكدا أن المبلغ المتداول خلال الساعات الماضية غير صحيح، ولم يحدد أي مبلغ للتجديد حتى الآن، قائلا: “لم أحسم موقفي من التجديد للزمالك حاليا، بس حابب أوضح إن عمري ما ساومت الزمالك على فلوس، أنا لما مشيت في 2016 كنت سايب مبلغ كبير جدا، ومطالبتش النادي بيه عشان الزمالك اسم كبير وهو اللي عمل شخصية وكيان أبو جبل، وعشان كنت متأكد إني هرجع تاني”.
نرشح لك: محمد أبو جبل يحسم جدل حالته الاجتماعية
تابع: “أنا لما رجعت بعد 3 سنين في سموحة مضيت للزمالك على بياض، وقالوا لي أنت جاي الحارس رقم 3 قلت لهم مفيش مشاكل الملعب هو اللي هيفرق.. وأثبت نفسي فعلا.. ومحتاج دلوقت يتقدر اللي عملته ده كله”.
