سبب رفض أيتن عامر نشر صور أولادها
كشفت الفنانة أيتن عامر سبب رفضها نشر صور أولادها على مواقع التواصل الاجتماعي، موضحة أنها لا ترغب في أن يعانوا من نفس الأمر الذي عانت منه في طفولتها بسبب شهرة شقيقتها وفاء عامر.
أضافت أيتن، خلال حوارها مع الإعلامية أسما إبراهيم في برنامج “حبر سري”، على قناة “القاهرة والناس”، أنها مرت بمواقف سيئة في طفولتها بسبب شهرة شقيقتها، ولا تريد إعادة التجربة مع أولادها، قائلة: “مش بنزل صور ولادي لأني عانيت وأنا طفلة من إن ناس كتير كانوا بيصاحبوني لمجرد إني أخت وفاء عامر، كانوا مهتمين هي اشترت لي إيه ويستفيدوا منه”.
نرشح لك: أول رد من نقابة الممثلين على أزمة محمد صبحي
تابعت: “تعبت نفسيا من ده وقررت مقولش هي بتجيبلي إيه عشان أشوف رد فعلهم ده ليا ولا عشان أختي والحاجات، لقيت أصحابي بعدوا وراحوا لزميلة تانية.. وقتها عرفت يعني إيه صحوبية المصلحة، عشان كده ابتديت أركز أوي في دايرة الأصحاب، وعشان كده معنديش أصحاب كتير”.
وبسؤالها هل تخفي صورهم خوفا من الحسد أيضا، أجابت بالنفي وأنها لا تهتم بفكرة الحسد على الإطلاق، قائلة: “مبخافش من الحسد خالص ومبصدقش فيه، واللي حواليا بيحاولوا يقنعوني بيه وأنا مصممة إن كل حاجة مكتوبة عند ربنا، آه مؤمنة بوجوده بس مش لدرجة الفستان اتقطع مثلا فأقول ده حسد مش يمكن أن تخنت أو في مشكلة في الخياطة.. في أسباب منطقية كتير بنتجاهلها ونقول ده حسد”.
