مي سليم: فرص جواز الفنانات أقل بسبب نظرة المجتمع

قالت الفنانة مي سليم، إن كونها ممثلة لا زال يمثل عائقا في فرص الزواج، إذ لا زال المجتمع ينظر للفنانة بشكل مخالف للواقع.

أضافت “سليم” خلال حلولها ضيفة على برنامج “كلمة أخيرة”، مساء الثلاثاء، مع لميس الحديدي عبر شاشة “ON”: “الناس بتبقى واخدة فكرة مش حقيقية عن الفنانات.. يومي طبيعي زي أي أم بتخلص شغلها وترجع بيتها”.

نرشح لك: شاهد.. سبب ينفر مي سليم من الرجال

تابعت: “فالفنانات فرص الجواز ليهم أقل، لأن النظرة بتبقى مختلفة.. مش معنى كده أنها مبتبقاش موجودة، بتكون موجودة بس قليلة.. وفي ناس بتخاف تقرب بتقول دي فنانة وتنكة وشايفة نفسها”.

في سياق آخر، كشفت الفنانة مي سليم، عن المواصفات التي ترغب أن تكون في زوجها المستقبلي في حال الزواج مرة أخرى، مشيرة إلى أن المواصفات الجمالية للشخص ليست الأولوية.

أشارت إلى أنها تريد شخصا يخشى الله ويراعيه في تصرفاته، مردفة: “يكون بيخاف ربنا بجد مش كلمة بتتقال وخلاص”. مضيفةأنها تريد أن يحبها ويخاف عليها من قلبه، ولا يكون ذلك من باب “التمثيل” حتى لا يتغير بعد الزواج، لأن الحقيقة والواقع مختلف تماما.

وعن أكثر شيء يزعجها في الرجل، قالت: “أي راجل بيهين ست، أي راجل يبقى مبيقدرش ست، أي راجل يبقى بيستهين بشخصية واحدة، حاجات كتير ممكن تنفري من الراجل اللي قدامك، اللي يبقى تملكك”.

أردفت: “مش معنى كده أني بقول الراجل يبقى مش من حقه الراجل في حياتك، لكن في فرق بين الراجل اللي بيحبك وعايز يشوفك في أحسن حال وراضي بيكي، وبين الراجل اللي عايز يتملكك، وعايز يقضي على كل حاجة حلوة فيكي”.

أوضحت أنه ليس كل الرجال يتقبلون فكرة أن تكون المرأة قوية ومعتمدة على نفسها، إذ أن البعض من الرجال يشعر بالغيرة ويريد هدم كيانها.

“كلمة أخيرة” يذاع من السبت إلى الثلاثاء في تمام الساعة التاسعة والنصف مساء.