شريف عامر لـ مبروك عطية: كيف اتقبل وفاة 4 من أصدقائي فجأة؟
روى الإعلامي شريف عامر للدكتور مبروك عطية عن وفاة 4 من مجموعة أصدقائه المكونة من 9 أشخاص، وسأله كيف يتقبل أن ينفذ أمر الله فيهم؟، قائلا: “فمثلا يبقى عندنا 51 سنة وعندنا 4 من أصحابنا الناحية التانية؟ الواحد كيف يتقبل هذا القضاء؟ فجأة تبقى قاعد مع واحد أخوك ويختفي خلاص نام الضهر وماصحيش، إزاي تقدر تتقبل حاجة زي دي؟”.
رد الدكتور مبروك عطية، خلال حلقة أمس الأربعاء، من برنامج “يحدث في مصر” المذاع على شاشة mbc مصر ويقدمه الإعلامي شريف عامر، وقال إن “شريف” يقصد كيف يتقبل رحيل بعض الأصدقاء أو الذين ماتوا فجأة؟ إنما إذا الشخص أصيب بمرض، المرض رسول للموت.
نرشح لك: مبروك عطية: ليس من حق الأهالي تزويج أولادهم بالإكراه
أجاب “عطية”: “ازاي تفهم نزول المطر أو عدم نزوله؟ شىء بأيد ربنا، والموت والحياة بأيده” مستشهدا بالآية الكريمة: “الله يتوفى الأنفس حين موتها” من سورة الزمر.
كما علق على مصطلح “ابن موت”، وهل هو موجود في الدين؟، وقال: “فيه حاجة اسمها (كل نفس ذائقة الموت) فمفيش حاجة اسمها ابن موت وده طالع شاطر وطالع حلو يبقى ابن موت، لأن إحنا أمة فشلة، ميصحش إن إحنا نطلق عن النوابغ كده، يعني إحنا مش عايزين يعيش إلا البليد التافه؟!، اشمعنى ابن الموت في أمريكا مقالوش عليه ابن موت وكان شاطر وكان كويس، إحنا المفروض أبناء الحياة يكتروا، الدعوة إلى الحياة تكتر، طول ما فيها إيمان بربنا سبحانه وتعالى، طول ما فيه أمل إن إحنا نبقى متدينين بحق وحقيقي إن شاء الله الدنيا تبقى فل”.
