الفار مات من الخوف.. يحيى الفخراني يروي كواليس مشهدا من "خرج ولم يعد"

روى الدكتور يحيى الفخراني تفاصيل مشاركته في فيلم “خرج ولم يعد” مشيرا إلى أنه تم اقتباسه من رواية “Darling buds براعم الربيع”.

أضاف “الفخراني” في لقاء له في برنامج “صاحبة السعادة” مع الإعلامية إسعاد يونس، اليوم، على قناة dmc، أمس الثلاثاء: “المخرج محمد خان بعتلي نص صغير كده اسمه خرج ولم يعد، بعد 3 أسابيع جه ومعاه السيناريو اللي اتعمل زي ما هو”.

نرشح لك: يحيى الفخراني عن فيلم “نص أرنب”: المخرج قال بوس بجد

تابع أن مشهد الفأر ده له قصة، موضحا: “لأنه أنا مبحبش الفئران زي كتير من الناس يعني، لقيت محمد خان بيقولي المفروض إننا بننام علشان اتدفى يعني، بنام فوق الفرن، فقالي والفار هيمشي من قدام وشك، قولتله هيمشي قدام وشي ازاي؟”.

واصل: “وشديت مع محمد ومحمد مصر لا هو المشهد مينفعش يتلغي، لما روحنا الريف كان أيامها في أزمة في المنطقة الزراعية اللي إحنا فيها، الفئران كلت المحاصيل، فمصر قضت تقريبا على الفئران في المنطقة فقولتله مفيش على فكرة فئران”.

أردف: “راح مطلع 5 جنيه لطفل كده راح جابله فارين، قولتله هتعمله ازاي قالي نعمله وهيمشي قدام وشك بالظبط، قولتله هيسمع كلامك يعني؟ بعدين قولتله لا مش هعمل المشهد ده، بعدين مدير التصوير طارق التلمساني كان أول عمل ليه وهو اللي حلها، قال أنا هربط رجله بحيث إنه ميوصلش أبدا عند وشي، يجري ميوصلش عند وشي وقعدوا يقيسوها”.

استكمل: “واتطمنت وحطوا الإضاءة كان الفار مات، من الخوف، قولتلهم على جثتي بقى خلاص ربنا عايز كده.

نرشح لك: لميس جابر: تعرفت على يحيى الفخراني بسبب “خناقة”