الأخيرة

علاء مرسي يعاتب الفنانين: مبقيناش نسأل على بعض

عاتب الفنان علاء مرسي زملائه الفنانين بسبب قلة التواصل بينهم، مقارنة بعلاقتهم الوطيدة في الماضي، لا سيما محمد هنيدي وأحمد السقا ومحمود عبد المغني.

أوضح مرسي في حواره مع الإعلامية إنجي أنور ببرنامج “فاكرني يا حظ” على إذاعة نغم FM على شبكة راديو النيل، أن اللقاءات التي كانت تجمعهم لم تعد كالسابق، قائلا: “كنا بنتجمع أنا وهنيدي والسقا ومحمود عبد المغني في مكتب المخرج سعيد حامد، وفجأة ما بقيناش بنتجمع زي الأول، ولا بنشوف بعض ولا نسأل عن بعض، حقيقي زعلان من نفسي ومن باقي زملائي”.

نرشح لك: سمية الخشاب: أدعم قرارات هاني شاكر مع المهرجانات

أضاف: “مفتقد السعادة من يوم رحيل علاء ولي الدين، لكن ذكراه عايشة معانا طول الوقت، وأشرف عبد الباقي بيجهز لعرض مبهر أبطاله من ذوي الهمم، وقولت له إنت هتخش الجنة بالعظمة اللي بتعملها دي، وبقول لكل الفنانين أنتم أصحاب مسئولية، وبتمنى كل الفنانين يعملوا زي أشرف عبد الباقي في مساعدة الشباب وأصحاب الهمم”.

وهاجم مرسي بعض الإعلاميين الموجودين على الساحة لأن مخارج الألفاظ عندهم غير سليمة، فضلًا عن أسلوبهم في الحوار بشكل أقرب للغة الشارع قائلًا: “ماينفعش المذيعين يبسطوا لغتهم مع المستمع للغة الشارع، ومفيش حاجة اسمها الجمهور عايز كده. أتمنى دور الإعلام يرجع لقوته السابقة، والسوشيال ميديا نعمة حولناها لنقمة”.

وعن علاقته بالسوشيال ميديا، قال علاء مرسي: “بتضايق من التعليقات اللي مش لطيفة، ومش من حق حد يعبر عن رأيه بصفاقة، وبناشد كل الناس خاصة الفنانين يدوا بلوك لأي حد بيكتب كومنت غير لائق”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock