بعد واقعة ضحية الابتزاز.. بدرية طلبة للفتيات: احكيلي هقف جنبك
ياسمين شهاب
دعت الفنانة بدرية طلبة، كل الفتيات اللاتي يتعرض لمحاولات ابتزاز، سواء بصور مفبركة أو حقيقة، للتواصل معها، للدفاع عنهن.
كتبت “طلبة” عبر حسابها الشخصي بموقع التواصل الاجتماعي “فيسبوك“: “بما أن عندي معظم بنات صحباتي وأصحاب أولادى، على الأكونت هنا وبغض النظر أنهم فعلًا متربيين أحسن تربية وفي منهم مراهقات كمان.. أي واحد يبعت يقولك صورك معايا متفبركة أو حقيقة أو غيره، ويقولك تعالي معايا أو بيخوفك وخايفه تقولي لماما أوعي تعملي حاجة في نفسك أو تزعلي ولا تروحي معاه في حته، ابعتيلي واحكيلي قسما بالله هقف جنبك بكل قوتي وهعرف أجيبلك حقك كويس وهخليه هو يلف حوالين نفسه ومتخافيش أبدًا ومتناميش مرعوبة من ابتزاز، أنا زي ماما لو خايفة تقولي لها أنا موجودة”.
نرشح لك: الإفتاء: الابتزاز الإلكتروني معصية تصل للكبائر
تابعت: “ياريت كل ولي أمر مسئول وخايف على أولاده وبناته يشارك معانا في حملة لو خايفة من ماما قولي لحد كبير وهيتصرف، متنتحروش يا جماعة أهاليكم تعبوا فيكم أوي، كل مشكلة وليها حل اوعي تخافي وأحكي وكلنا هنقف جنبك أقسم بالله”.
أضافت: “خدوها كوبي أو شير وحطوها عندكم طمنو البنات مبيغلطوش من الخوف، لينا صوت ومسموع وصلوها للعالم كله علشان كل إنسان مريض ياخد جزاء”.
يشار إلى أن بدرية طلبة كانت قد شاركت في الموسم الرمضاني الماضي من خلال مسلسل “اللي مالوش كبير”.
“اللي مالوش كبير” بطولة ياسمين عبد العزيز وأحمد العوضي وخالد الصاوي ومحمود حافظ، دنيا عبد العزيز، أحمد عبد الله محمود، أحمد سعيد عبد الغني، إيمان السيد، بدرية طلبة، عايدة رياض، وعدد كبير من نجوم الشباب، وتأليف عمرو محمود ياسين وإخراج مصطفى فكري، وإنتاج شركة سينرجي.
المسلسل اجتماعي تشويقي وأكشن في نفس الوقت، ويعد ثاني تعاون بين الفنانة ياسمين عبد العزيز وزوجها الفنان أحمد العوضي، فقد تعاونا قبل في مسلسل “لآخر نفس”، وهذا أول تعاون بعد زواجهما.