هل أجرت نيكول سابا عمليات تجميل؟.. الفنانة توضح
كشفت الفنانة نيكول سابا عن حقيقة إجرائها عمليات تجميل، موضحة رأيها في الأمر.
قالت “سابا” خلال لقائها في برنامج “حبر سري” الذي تقدمه الإعلامية أسما إبراهيم على شاشة القاهرة والناس، أمس الخميس، إنها أجرت عمليات تجميل، موضحة: “إحنا بقينا في عصر الموضوع ده خلاص، الزمن بقى منفتح، أكيد عملت عمليات تجميل، عملت عملية تجميل لمناخيري”.
نرشح لك: دنيا سمير غانم لوالديها: قلبي موجوع عليكوا ووحشتوني أوي
تابعت: “ودايما بقول إحنا شغلتنا بنمثل وبنغني وبنتصور، فعايزين نسهل عيشتنا زي ما بيقولوا، أنا يهمني إن لما يشوفني الجمهور بالعين المجردة لايف يلاقيني شبه نفسي مش شبه حد، مايلاقينيش أوفر”.
أوضحت: “يعني اظبط مش اللي هو نبقى شبه بعض كلنا، والتجميل اتخلق للداعي الضروري ما بالك في شغلنا، فأنا بلجأ له مش علشان خوفي من الزمن، أبدا مش أنا اللي أخاف من الزمن، الزمن اللي يخاف مني، فيه تصالح مع النفس، والشيخوخة حق علينا كلنا وطول ما جوانا شبابي وروحنا شبابية العمر ده بيبقى مجرد رقم”.