رانيا يوسف: نفسي اعمل دور سعاد حسني في "خلي بالك من زوزو"
كشفت الفنانة رانيا يوسف عن رغبتها في إعادة تجسيد شخصية الفنانة الراحلة سعاد حسني في فيلم “خلي بالك من زوزو”.
قالت “يوسف” خلال لقائها ببرنامج “اسألني“، المذاع عبر “فيس بوك” قناة cbc مع أحمد المهدي: “الدور القديم اللي نفسي اعمله هو دور الراحلة سعاد حسني في فيلم “خلي بالك من زوزو”.
نرشح لك: عمرو سلامة: أبحث عن مواهب جديدة على السوشيال ميديا يوميا
كما كشفت خلال اللقاء عن عدة تفاصيل خاصة بحياتها الشخصية وأعمالها، نرصدها في السطور التالية:
1- ظهرت في مسلسل “السبع وصايا” بدون ميكب.
2- ماتمناش أبدا أبقى راجل، ولا أتخيل.
3- في الحياة عامة، معنديش أناتيم غير بناتي، هما كل واحدة واخدة عيني ونص قلبي، ولا يوجد أي نقطة خلاف بيني وبينهم
4- الخلاف دائما بيني وبين أمي، لكن بناتي بحاول أصلح العلاقة اللي باظت طول الوقت بيني وبين أمي، بإني اتفادى كل الغلطات اللي خلتني بعدت عنها، بأني أقرب لبناتي أكتر.
5- مش بشوف نفسي حلوة، بشوف نفسي لذيذة، عادية، فيا جزء شوية من الجمال، لكن بشوف إن أكتر الجمال اللي فيا هو روحي مش شكلي الخارجي.
6- لو عملت قصة حياتي فيلم هيكون عنوانه “قرارات كلها غلط”.
7- اتكتب معلومات غلط على النت إني أمي سودانية.
8- اللي بيميزني عن أي فنانة تانية إني مجنونة.
9- أنا مواليد عام 1973 وليس 1965 كما يقال.
10- القرار الذي ندمت عليه هو أن أتزوج مرة ثانية وثالثة، مفهوم الزوج عندي اختلف من سن العشرينات إلى الآن، وأصبح اتخاذ هذا قرار حاليا صعب، لأن مفهومي للزواج كله اختلف، للعلاقات بين المرأة والرجل كله اختلف.
11- أكتر دور عمل ليا شهرة وانتشار طبعا دور “بطة” في مسلسل الحاج متولي، وأصعب دور عملته وأثر عليا نفسيًا هو صافي سليم في مسلسل أهل كايرو، وأكتر مرة عيدت فيها مشهد كان في فيلم ريجاتا مع محمود حميدة، مشهد عيدته 26 مرة.