أول تعليق لـ منة عرفة بعد تراجعها عن الانفصال
هاجمت الفنانة الشابة منة عرفة، المكذبين لأنباء انفصالها وعودتها إلى زوجها محمود المهدي، خلال اليومين الماضيين، وكذلك الصحفيين الذين تناولوا أنباء الانفصال، في أول تعليق لها بعد تراجعها عن القرار قائلة: “ارحمونا حرام عليكم”.
كما استنكرت “عرفة” عبر خاصية القصص القصيرة على حسابها الرسمي على “إنستجرام” ردود الأفعال على قرار انفصالها وزوجها، قائلة: “من أصعب اللحظات اللي بتعدي على أي ست لحظة الانفصال وخراب البيت، الطلاق بيتهز له عرش الرحمن، لكن انتو عشان بتسمعوا على بيوت بتتخرب كل دقيقة فبقى أبغض الحلال عند الله بالنسبالكم نكتة أو حاجة تتمسخروا عليها، رهان بتعملوه مع بعض إننا مش هنكمل، أو مادة خام للشماتة فينا”.
نرشح لك: زوج منة عرفة: أرفض تمثيلها لمشاهد قبلات وأحضان
أضافت: “خراب البيت عمره ما كان حاجة سهلة على الست أو على الراجل أو على أهالينا، في عز ضعفي وحزني وكسرتي اللي ربنا ما يكتبها على أي ست مرحمتونيش ولا قدرتوا اني في موقف لا أحسد عليه وشمتانين فينا!”.
تابعت: “قد ايه انتو ناس متعرفوش ربنا ولا في قلوبكم رحمة، اتمنوا الخير لبعض يا جماعة، بلاش نشمت في بعض، بس دي غلطتي إن شاركتكوا حياتي الشخصية، الإنسان بيغلط عشان يتعلم وأنا أتعلمت، ربنا يعينكوا على نفسيتكم الجحيم دي”.
