الأخيرة

وفاة السيناريست كرم النجار

أعلن الفنان الشاب مينا النجار، عن وفاة عمه السيناريست كرم النجار، اليوم السبت، ورثاه عبر حسابه الرسمي على موقع تبادل الصور والفيديوهات “إنستجرام”.

رثى مينا عمه قائلًا: “النهاردة عمي (بياء الملكية) كرم النجار – الكاتب َ المؤلف.. اتوفى.. هو زي ما كان عمي أنا.. كان في لحظات بحس انه ابويا بعد ما بابا اتوفي”.

نرشح لك- الأرصاد: انخفاض درجات الحرارة التدريجي يبدأ من الغد

 أضاف: “شخصية مركبة صوتها كان موجود في كل الأعمال الي كاتبها.. ما بين حب الحياة و الخناقة الي بينه و بينها (الي على طول شغالة) و الخوف والشقاوة.. اشيك واحد في العيلة.. أول بدلة نزلت اشتريها كانت معاه.. عشان مفيش في شياكته.. عمود عيلة النجارين.. حكاوي عن المحلة و جدو وديع ما بتنتهيش.. يحب القهوة و اللمة و الاكلة الحلوة، الشطة الي لسعتها بتدي طعم للحياة.. مجمعنا دايما.. وجوده في اي تجمع بيدي روح تانية خالص و ردود أفعاله طول الوقت مش متوقعة

بقى ما بينا روتين لما بدإت اسافر كتير. إن كان بيصمم يوصلني المطار ولما مبقاش يقدر ينزل كنت بعدي عليه، سفريات كتير الساحل في الشتا انا وهو بس والقرية فاضية.

تابع: “يحب البحر والمغامرات ويخاف من المياه والألم، كم المسلسلات والمسرحيات الي كتبها.. مشاهد منها شغالة في مخي دلوقت، وانا بخرج آخر فيلم قصير قولتله ممكن تيجي تمثل.. جه و قعد يحفظ.. و كنت مستمع و انا بتفرج عليه في المونتاج.. حضوره في دورات المهرجان ويقعد و يسأل.. حسيت انه في ظهري كنت بتسأل زمان لما تكبر عايز تبقى زي كرم ولا رضا كنت بقول عايز ابقى المكس بين الاتنين”.

استطرد: “النهاردة انت مشيت.. بس شكرا على كل اللحظات الي هفضل فاكرها و مأثرة فيا.. شكرا يا عمي (بياء الملكية) وحتى نلتقي. َسلامات”.

 

View this post on Instagram

 

A post shared by Mina (@minaelnaggar)

كرم النجار هو كاتب مصري، خريج كلية الحقوق من جامعة الإسكندرية، كانت بدايته من خلال مسلسل “اﻹنسان والجبل” عام 1969، ليقدم بعدها عشرات الأعمال ما بين السينما والتلفزيون، ومن أبرز أعماله فيلم “الصرخة” مع الفنان نور الشريف عام 1991، ومسلسلات (الرقص على سلالم متحركة، الأصدقاء، بابا نور).

وفاة كرم النجار

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock