إسعاد يونس: أمي هي ملهمتي

كشفت الفنانة إسعاد يونس عن مثلها الأعلى ومصدر إلهامها في الحياة، موضحة أن والدتها هي ملهمتها.

قالت “يونس” خلال لقائها مع برنامج “السفيرة عزيزة” اليوم الأربعاء، المذاع على شاشة dmc وتقدمه الإعلامية نهى عبد العزيز: “أمي كانت مصدر الإلهام لينا كلنا الحقيقة، لأنها كانت نموذج فريد كده شوية، ست حلوة اترملت عندها 32 سنة وبناتها عندهم 14 و9 و6 سنين، بس مفيش حد تاني في الحياة”.

نرشح لك: إسعاد يونس: موهبتي إني بحب أسمع الناس

تابعت: “فكان عندها بعد نظر جامد وحكمة شديدة، وجامدة جدا بس مش قاسية يعني مش سخيفة، لكن معالم طريقها واضحة جدا، وعايزة مننا إيه وإحنا بنقعد في البيت بتقولنا وضعنا كده، مع أعمارنا دي، ودماغكوا هي اللي هتعيشكوا مش شكلكم والغنى في الاستغناء”.

استكملت: “شوية قواعد كده، كانت بالنسبة لي طبعا ملهمة جدا أمي يعني، مش ملهمة لأنها فرضت عليا رأيها، وإنما لأن أنا معجبة بيها جدا أنا وأخواتي”.

ذكرت أنه لا بد أن يكون هناك طاقة طيبة في الحياة حتى يستطيع الناس الاستمرار، مضيفة أن الإلهام الذي تحاول إيصاله للناس، هو أن لا يجعل شخص أي شيء يكسره.