مكنتش لاقي أكل.. عمرو أديب يروي تفاصيل أول عمل له مع MBC

نورهان عبد الرحمن

روى الإعلامي عمرو أديب، عن بدايات عمله لأول مرة مع شركة MBC.

تحدث “أديب” خلال استضافته اليوم في احتفالية بمناسبة مرور 30 عاماً على إطلاق شبكة قنوات “MBC”، مع الإعلامية “ياسمين عز” عن تجربته الأولى مع شبكة “mbc” أنها كانت تجربة جميلة جداً، مضيفاً: “كانت مفاجأة الشيخ وليد إبراهيم اتصل بيا وكنت وقتها لا لاقي أشتغل ولا لاقي أكل، وقالي يا عم إنت فين؟، قولتله أنا في لندن حالتي صعبة ومفيش شغل ومفيش حاجة”.

نرشح لك: بعد إيقاف برنامجه.. محمود سعد: القناة ليست السبب

 

تابع: “قالي طب انزل بيروت دلوقتي عشان هتشتغل، قولتله هشتغل ايه؟، قالي في برنامج جديد، ومسألتوش عن البرنامج حتى”.

استكمل: “قالي أنا شوفتك إنت تنفع تبقى في لجنة التحكيم، قولتله مفيش مشكلة، قالي عندك طلبات؟، قولتله اقطعلي التذكرة لأن أنا مش معايا خالص ومش معايا حاجة، حتى مسألتوش ده عشان أيه ولا أي حاجة”، موضحاً: “أنا وصلت بيروت قعدت هناك 3 شهور أشتغل البرنامج ده والحمد لله كسر الدنيا”.

وبحديثه عن الشخصية التي ظهر بها في لجنة التحكيم هل هي شخصية قام بتحضيرها أم كان على طبيعته، قال”أديب”: “لا أنا قلدت واحد بيعمل نفس الدور ده اسمه (سايمون) في نفس البرنامج، أنا خدته زي ما هو وعملته البني آدم “الرزل، البايخ” يعني تقليد وكنت بايخ جداً”.

أضاف قائلاً: “(فلة شمعة منورة)، والبرنامج نجح جداً ودي الجرآة، زي ما بقولك بردو إدارة جريئة يعملوا برنامج ضخم جداً كان معانا خبراء إنجليز فقلهم الراجل ده هيبقى كويس وهيبقى صح ففعلا كانت خطوة جريئة جداً”، مضيفاً: “(فلة شمعة منورة) شعار المرحلة”.

محمد جمعة يكشف حصريا لإعلام دوت كوم عن مشروع فني جديد يعيد فيه تقديم شخصية عم ضياء

MBC MBC مصر رئيسية عمرو أديب قنوات mbc ياسمين عز