من فيلم ماكو.. كلمات أغنية "النوايا" لـ مسلم
محمد عبد المنعم
أغنية النوايا لـ مسلم
طرح المطرب “مسلم” عبر قناته الرسمية على موقع “يوتيوب” أغنية “النوايا“، وهي الأغنية الرسمية لفيلم “ماكو”.
أغنية “النوايا” من غناء مسلم، مصطفى شكري، مي مصطفى، ومن كلمات وألحان مصطفى شكري، توزيع أحمد أمين، وميكس وماستر أحمد أمين.
نرشح لك: فيلم عربي يعرض في أمريكا.. تفاصيل فيلم “الدور الأخير”
وجاءت كلمات الأغنية كالآتي:
النوايا قصاد مرايا عاكسة شر مالوش نهاية
والقلوب خفياه
جوه كل حد فينا طاقة كره ولاعبة بينا
وصورة مش صافية
في يوم هتصادف المواقف
كله قدام بعض واقف
واللحظة دي كافية
تكشف اللي ملوش أمان والخسران في الإمتحان
مستواه هيبان
اللي كان عامل مثالي واللي من باب التسالي
عاش دور الإنسان
ربك رايد الشدائد تبقى درس للي حايد
واللي كان ندل وجبان
كله في بحره عاش غريق ماشي بيضل الطريق
مد إيده للحياة والنفس عمال يضيق
يلا نفسي بس نفسي جوه مركب مش بترسي
هي دي اللعبة وقانونها ضاع في اللعبة 100 فريق
جلسة طارئة فيها قاضي جوه عالم افتراضي
ممنوع الحكم البريء
كعب داير على الخسائر هتفيد بأيه البشاير
لما هتقوم الحريق
النهاية مش سعيدة هيا دي اللقطة الوحيدة
على الحدوتة بتليق
كله في بحره عاش غريق ماشي بيضل الطريق
مد ايده للحياة والنفس عمال يضيق
يلا نفسي بس نفسي جوه مركب مش بترسي
هي دي اللعبة وقانونها ضاع في اللعبة 100 فريق
لو ناوي تعيد حسابك انتهى وقت الحساب
وافتح غلطك في بابك من برة قافل عليه
مهما تفتح كتابك ازاي تقرأ الكتاب
لو سوء النية طاغي ومغميلك عنيك
كله في بحره عاش غريق ماشي بيضل الطريق
مد ايده للحياة والنفس عمال يضيق
يلا نفسي بس نفسي جوه مركب مش بترسي
هي دي اللعبة وقانونها ضاع في اللعبة 100 فريق
فيلم “ماكو” من بطولة عمرو وهبة، نيكولا معوض، ناهد السباعي، منذر رياحنة، خالد أنور، سارة الشامي، محمد مهران، ومن تأليف أحمد حليم، وإخراج محمد هشام الرشيدي.
تدور أحداث الفيلم المستوحى من قصة حقيقية حول عبارة (سالم اكسبريس) عن ذهاب ثمانية أشخاص في رحلة بهدف الغوص في أعماق البحر الأحمر في عالم مليء بالذكريات، ومن المقرر طرح الفيلم في دور العرض في 1 سبتمبر المقبل.