رسالة فريدة سيف النصر لـ منتقدي محمد رمضان
محمد عبد المنعم
فريدة سيف النصر ومحمد رمضان
دافعت الفنانة فريدة سيف النصر، عن محمد رمضان، بعد الانتقادات الذي تعرض لها من قِبل الفنان محمد صبحي، وبعض الجمهور، موضحة أنه من الضروري عدم الحكم بالمظاهر وتحري الدقة قبل الحديث عن أحد.
نشرت “سيف النصر” عبر حسابها الرسمي على موقع التواصل الاجتماعي “فيس بوك” منشورا دافعت فيه عن محمد رمضان، بعد الهجوم الذي تعرض له، كما سردت قصة لإحدى السيدات التي تحدثت عن إنشاء محمد رمضان لجمعيات لمساعدة المحتاجين في مسقط رأسه حيث كتبت: ” برضو محمد رمضان وحش وضيع جيل بأكمله يا ريت الاختلاف في الرأي لا يفسد للود قضية”.
نرشح لك: رسالة شريف مدكور لـ منتقدي طريقة تقديمه لواجب العزاء
تابعت: “ده رأي الصديق محمد صبحي كوبي بس مش الفنان ومصر على رأيه، هو وغيره وحاجات أفظع من كده، بصوا أنا عارفة حاجة مكنتش عايزة أتكلم فيها ومترددة لأنه هو أخفاها فأسفة يا رمضان.. إليكم ما علمته وتأكدت والساكت عن الحق شيطان أخرس، الوحش السيء اللي طلعتم فيه أسوأ صفات الإنسانية كلها”.
أضافت: “صلوا عالنبي عليه الصلاة والسلام.. أهو علي قد ما أقدر بنعمل أي حاجة ولو بسيطة لله، أمي الله يرحمها كانت تقول (قليل دائم خير من كثير زائل) وكمان قلل من النذر وأوفى، معنى الكلام خلي اللي بتعمله دائم حتى ولو قليل الناس اتعودت، أنا عندي سيدة محترمة بتجيني والكلام صدفة وإشارة من ربنا إني أعرف فا أقول.. الست المحترمة قالت مش هندي فلانة وفلانة هما قالوا كده الحق حبيب ربنا إحنا اتعرفنا على ناس خدونا لجمعيات محمد رمضان، نعم جمعيات مين؟ قالوا محمد رمضان، عند مكان نشأته في منطقة القصبجي، مكان للمساعدة العامة والمرضى، ومكان خاص تاني لتزويج اليتامى ورعايتهم”.
استطردت: “طيب أبكي ولا أعمل إيه أنا قلبي بيتهز والله من الرحمة والخير، وده رمضان يلا اشتموه خليه يلم كل الحسنات كمان، بصوا قسما بالله قلبي ما حب حد وطلعت غلط”.
تابعت: “وعلى فكرة اللي يقول بتطبل هسأله ليه؟ أنا مش عايزة حاجة من حد ولا بتصل بحد، وبالنسبة لرمضان مفيش مسلسلات الإنتاج بقى جو ضبابي محدش شايف تحت رجله في أيه؟ وبالنسبة لحفلاته مش هينفعه بحاجة، ومنطقة إمبابة رمضان وبولاق المسعود، من الأحياء الجدعان اللي بحبها زي باقي شعبياتنا مصر حلوة أوي وناسها جدعان..اللي بيشتموا ويحقدوا قلة أوي بس كل واحد عامل ألف حساب يشتم ويغل ربنا يشفي قلوب الناس لأنها بتحرقهم قبل أي حد”.
أضافت: “اللهم بلغت اللهم فاشهد.. أنا حطيت محمد صبحي لأنه مصر جدا جدا جدا حبيت أقول له ماتاخدش بالظاهر اللي يعرفه ربنا وشايفه أنت متعرفوش ..والكلام لكل متسرع..وربنا يكرم الجميع شكرا لكم وشكرا لكل من جاله نعمة وشارك المحتاجين في غيركم لأه..ولا لأه ليه الله أعلم بيهم لحد ما تتعرف وحد زيي يبلغ..أصل إحنا في زمن يبلغوا الوحش هوا لكن الحلو يصعب عليهم يقولوه”.
فريدة سيف النصر ومحمد رمضان
يشار إلى أن آخر أعمال فريدة سيف النصر، كان مسلسل “ولاد إمبابة”.
مسلسل “ولاد إمبابة” بطولة فريدة سيف النصر، سعد الصغير، مصطفى أبو سريع، إيمان السيد، وغيرهم، وتأليف أيمن بكري، وإخراج ممدوح زكي.