الأخيرة

أبرزها “أولاد حارتنا”.. عمرو سعد يعيد إنتاج مجموعة من أعمال نجيب محفوظ

 

كشف الفنان عمرو سعد عن تعاقده على عمل جديد، موضحا أنه عبارة عن إعادة إنتاج أعمال الأديب الراحل نجيب محفوظ.

قال “سعد” خلال لقائه مع “ET بالعربي“: “عندنا مجموعة أعمال قصص قصيرة اسمها صدى النسيان دي متعملتش خالص، حصري إحنا بنعملها لأول مرة.. بنعيد تقديم اللص والكلاب بمزج بين القصة الأصلية”.

نرشح لك: هنا الزاهد عن أحمد فهمي في “العارف”: كرهته وخوفت منه 

تابع: “كمان مشروع (أولاد حارتنا) بس ده مشروع ضخم جدا هياخد عدد من شهور التحضير الكبيرة وهيبقى فيه أهم مخرجين إن شاء الله في مصر والوطن العربي وأهم فريق عمل.. وده مش علشان عمرو سعد كممثل لا أنا ممكن مامثلش فيه، هيبقى في نجوم كتير جدا كبيرة من كل أنحاء الوطن العربي وده مشروع ضخم”.

استكمل: “إحنا شغالين دلوقتي فيه كتاب بتكتب فيه كتيبة بتشتغل وفيه جهات إنتاجية عايزة تشارك في مشروع تاريخي زي ده، جه الوقت اللي الأجيال الموجودة دلوقتي تتعرف على تاريخ نجيب محفوظ الحائز الوحيد على جائزة نوبل في الوطن العربي وقدر يعمل حاجات عظيمة”.

أردف: “فهو يستحق إن إحنا ندافع عنه دلوقتي ونطلع الشغل بتاعه للنور ولما يكون عندنا رواية واخدة نوبل ودي الرواية الوحيدة وأثارت الجدل واتمنع نشرها لمدة 50 سنة هى الأجدى بأن إحنا نطلعها دلوقتي خاصة إن الوطن العربي دلوقتي ماشي في سكة التنوير وإنه بيحارب الإرهاب والأفكار القديمة، إيه المانع نعمل فيلم لرواية أخدت نوبل ونقدمه للعالم ويترجم وده طموحي”.

في سياق آخر، أكد الفنان عمرو سعد، على أنه سعيد للغاية بردود الأفعال التي جاءته على مسلسله الأخير “ملوك الجدعنة” الذي عرض في الموسم الرمضاني الماضي.

وتابع “سعد” خلال لقائه في برنامج “et بالعربي“، أنه كان يتمنى أن يتضمن المسلسل إفيهات أكثر ليضحك الجمهور، إلا أن خوفه من عدم تقبل الجمهور لذلك الأمر هو ما منعه من إلقاء مزيد من الإفيهات.

فيما، لفت عن نية صناع العمل لإنتاج جزء ثاني من المسلسل، معلقًا: “في خطة عامة بيحلم بيها الإنتاج والمخرج وهي الحفاظ على الشعبية المصرية ده الهدف الرئيسي، ملوك الجدعنة ممكن يتعمل أجزاء منه ويطلع أجيال تانية جديدة”.

في نفس السياق، لفت إلا أنه لا يخشى من نجاح الجزء الأول، معلقًا: “في مسئولية كبيرة إن لو عملنا الجزء التاني التحدي هيبقى أكبر”.

مسلسل “ملوك الجدعنة” بطولة عمرو سعد، مصطفى شعبان، ياسمين رئيس، رانيا يوسف، وتأليف ورشة كتابة فنية تحت إشراف الكاتبة عبير سليمان، إخراج أحمد خالد موسى.

المسلسل تم تصويره بالكامل في لبنان، وتدور أحداثه في إطار شعبي حول صديقين يعيشان رحلة صعود في التجارة ويدخلان في صراعات كبيرة مع منافسيهما، وتتصاعد الأزمات بتتابع الأحداث، وينتظر الجمهور مشاهدة المسلسل من خلال قنوات عرض ملوك الجدعنة .

نرشح لك: في طريق الوعي (1): المشاهير يخطئون أيضاً: نجيب محفوظ والحشيش نموذجًا

عمرو سعد يعيد إنتاج مجموعة من أعمال نجيب محفوظ

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock