شاشة

محمد أنور عن أغنيته: “ملقتش موضوع أحسن من الرجالة والستات”

محمد عبد المنعم ـ يكتب عن أغنية محمد أنور

عبر الفنان محمد أنور، عن سعادته بنجاح أغنيته الجديدة “انتوا كده كلكوا” الذي يشاركه فيها المطربة يسرا الجندي، مردفا: “ملاقتش موضوع أحسن من الرجالة والستات أعمل عنه الأغنية”.

قال “أنور” خلال مكالمة هاتفية مساء أمس الأحد في برنامج “الحكاية” الذي يعرض على قناة “MBC مصر” ويقدمه الإعلامي عمرو أديب، إنه يرغب في الغناء منذ فترة وأراد أن يقدم شيئا مختلفا وموضوعا يهم الجمهور فلم يجد أفضل من قضية الصراع بين الرجل والمرأة، مضيفا: “كنت عايز أقدم شيء دمه خفيف”.

نرشح لك: شاهد.. كليب “انتوا كده كلكوا” لـ محمد أنور ويسرا الجندي


أضاف أنه يعمل على هذه الأغنية منذ شهر فبراير مع المطربة يسرا الجندي التي كتبت الكلمات ولحنت الأغنية، ثم بعد ذلك ذهبوا للموزع أحمد وحيد “كينج” الذي تولى مهمة توزيع الأغنية.

أوضح أن مشاركة كل هؤلاء النجوم جاء بعد أن تحدث “أنور” مع مخرج الأغنية أحمد عبد الوهاب، حيث طلب منه “أنور” أن يكون الفيديو بمثابة صراع وهناك مؤيدين للرجل ومؤيدين للمرأة، فتم اقتراح أن يكون المؤيدين من الفنانين. كما وجه الشكر لكل من شارك في الأغنية من فنانين.

أغنية “كلكوا زي بعض” كلمات وتلحين يسرا الجندي، وتوزيع أحمد وحيد “كينج”، وإخراج أحمد عبد الوهاب، وغناء محمد أنور، ويسرا الجندي، وظهر في الفيديو كليب الخاص الأغنية بعض الفنانين مثل شيماء سيف، وأكرم حسني، وأوس أوس، وسليمان عيد.

جاءت كلمات الأغنية كالتالي:

انتوا ‏كده ‏كلكوا‏
‏قالت ‏نازلة ومن ساعتها
‏لطعاني تحت بيتها
‏كلمتها كنسلتني
فزمرت نرفزتني
‏بكره طريقتها بتخليني مش طايقها ‏ ‏
بتنسينى ‏إني حبيبها فكرت في لحظة أسيبها
وأخيرا ظهرت ياختي حلوة ‏ماشية براحتها
‏أه أه منكوا أه
هاي يا حبيبي عامل ايه
معلش لو اتأخرت عليك ‏
باصص قدامك ساكت ليه‏‏‏ ؟
إيه المعاملة الوحشه دي
انتوا ‏كده ‏كلكوا
‏مخكوا ‏صعب زيكوا
‏بتخلونا نحبكوا
‏وبعدين نتجنن منكوا
انتوا ‏اللي ‏كده ‏كلكوا
‏ومش قادرين تستوعبوا
‏‏ان انتو دايما تبدأوا
‏المشاكل و تشتكوا
أنا اللي قافشه علي فكره مش انت
انت استنيت دقيقتين اوك وبعدين مانا دايما مستنية
تخلص بس مع أصحابك وتلاقي وقت ليه
نفسي تفكر فيا
انتي صعبتي عليه
ياحرام دانتي طلعتي ضحية
يعني انتي ملاك ياعنيا واحنا وحوش برية
ودنك دي مش زينه ما تسمع بيها وافهم اللي فيها
ده ‏أساس اللي مخلينا نتخانق مع بعضينا
مانتي دو دو رغي رغي ليل نهار
شكوي ونكد بوز وهم وغم وقمص في أي حوار
نكد!
‏عارف مين السبب؟
‏انتي السبب
‏لا انت السبب
لا انتي السبب
‏لا انت السبب
وانت خلقك ضيق
وانتى ‏ ‏عنادية
‏طب اهدى شويه
‏ اهدي انتي عليا
صنف صعب ‏كلكوا زي بعض
‏انتوا ‏كده ‏ ‏كلكوا
‏مخكوا ‏صعب زيكوا
‏بتخلونا نحبكوا
‏وبعدين نتجنن منكوا
انتوا ‏اللي ‏كده ‏كلكوا
‏ومش قادرين تستوعبوا
‏‏ان انتو دايما تبدأو
‏المشاكل و تشتكوا

يشار إلى أن محمد أنور، قام مؤخرًا ببطولة مسلسل “إسعاف يونس”. مع سارة سلامة ومنة عرفة ومحمد علي رزق وإيمان السيد وأحمد محارب، ومن تأليف فاروق هاشم ومصطفى عمر، وكتابة أحمد محارب وخليفة سمير وأحمد فوزي، ومن إخراج معتز التوني، ويعرض على منصة WATCH iT.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock