وزير التعليم: الانتحاري اللي بيصور الامتحان وينشره حد بيحركه
قال دكتور طارق شوقي، وزير التربية والتعليم والتعليم الفني، إنه سيتم الإمساك بمن يحاول الغش أو تصوير الامتحان ونشره على مواقع التواصل الاجتماعي خلال امتحانات الثانوية العامة، مضيفا: “إحنا بنعرف نمسكهم في أقل من ربع ساعة”.
تابع “شوقي” خلال برنامج “الحكاية” المذاع على شاشة MBC مصر ويقدمه الإعلامي عمرو أديب: “حابب بس الفت نظر الناس، الانتحاري اللي عارف إنه هيتمسك ويتحبس سنتين وبيعمل كده نفكر ٥ ثواني هو بيعمل كده ليه”.
نرشح لك: ضبط عدد من أجهزة التابلت خلال امتحان اللغة العربية في الثانوية العامة
استكمل: “ومين اللي محركه؟ لو كان بيغش علشان ينجح مكنش صور الورقة ونشرها، هنا فيه حاجة أكبر، الهدف بتاع الحرب اللي ضدنا هي إثارة وتشويه شكل التعليم، إحنا بنعمل أكثر قدر من الكفاءة من وزارة التربية والتعليم، وبطمن أولياء الأمور كل أجهزة مصر بتشتغل علشان نكتشف مين اللي عامل حملة التشهير”.
يذكر أن الدكتور طارق شوقي، وزير التربية والتعليم والتعليم الفني، كان قد علق على تداول شائعة عن وجود سؤالين مضمونهما “جمع حليب وجمع أخطبوط”، بامتحان اللغة العربية بشهادة الثانوية العامة، يوم السبت الماضي.
نفى “شوقي” خلال مداخلة هاتفية مع برنامج “الحكاية” المذاع على شاشة MBC مصر، ويقدمه الإعلامي عمرو أديب، وجود سؤال عن جمع كلمتي حليب أو أخطبوط بامتحان اللغة العربية.
تابع: “نسأل نفسنا مين اللي بيعمل الشوشرة اللي إحنا شايفنها بما إنه بيخترع أسئلة علشان يصدر للرأي العام الصورة دي، وعلى فكرة أول يوم امتحانات السنة اللي فاتت تم رصد جهات خارجية بتعمل كده بالظبط بتصور تزاحم الأهالي في أول يوم وبتصور غش جماعي، لما مسكنا الغش الجماعي، طلع إن المدرسة حد دفعلها فلوس علشان تاخد الصورة دي”.
استكمل: “اللي اخترع كلمة حليب ده حد مدفوعله فلوس علشان يعمل كده ويروج هذا الانطباع، والبلبلة في السوشيال ميديا بترعب الأهالي”.
يشار إلى أن بعض المواقع الصحفية كانت قد تداولت أخبار عن صعوبة امتحان اللغة العربية في شهادة الثانوية العامة، يوم السبت الماضي، مستشهدين بسؤال عن جمع كلمة “حليب”.
الحقيقة أن هذا السؤال الذي تصدر الترند، لم يأت من الأساس في امتحان اللغة العربية بشهادة الطلاب أنفسهم.
كما أن كلمة “حليب” لها أكثر من جمع، حيث تجمع على (أحلبة – حلبان – أحلباء).
