رسالة عبير صبري لـ شيرين عبد الوهاب وحسام حبيب

شاركت الفنانة عبير صبري، الجمهور بصورة أعلنت من خلالها عن دعمها للفنانة شيرين عبد الوهاب، وزوجها الفنان حسام حبيب، عقب أزمتهما الأخيرة.

عبير صبري

نشرت “صبري” الصورة التي جمعت كلا الفنانين عبر حسابها الشخصي على موقع “إنستجرام” وعلقت عليها كاتبة: “بحبكم شيرين وحسام فنانين محترمين وكبار وربنا معاكم يحميكم ويحفظكم ويخليكم لبعض ومصر كلها بتحبكم وبتدعمكم شيرين صوت مصر العظيم”.

نرشح لك: حسام حبيب: شيرين غيرت في شخصيتي حاجات كتير

 

 

View this post on Instagram

 

A post shared by Abeer Sabry (@abeersabryofficial)

كانت مجلة “الجرس” قد نشرت تسجيلا صوتيا منسوبا لحسين حبيب والد الفنان حسام حبيب، يتحدث خلاله مع إحدى السيدات عن أن هناك خطة لزواج حسام من أخرى، سعيا لتحقيق حلمه بالإنجاب، وتصريحات أخرى متعلقة باختلاف البيئة الاجتماعية التي جاءت منها شيرين عن تلك التي ينتمي إليها حسام، وهو ما تسبب في وجود خلافات مع والدة حسام، بحسب التسجيل الصوتي.

يشار إلى أن شيرين عبد الوهاب، كان قد ردت على التسجيل الصوتي المنسوب لوالد زوجها، قائلة: “عايزة اطمن كل الناس اللي بتحبني، كل الناس الكويسين، إن أنا بخير، مفيش أي نوع من أنواع الخطر عليا أو على حياتي، بالنسبة للي حصل واحتاج إن أنا أرد عليه، مش هينفع ارد عليه في كلمتين”.

تابعت: “اسمحولي إن أنا أقولكم إن حسام جوزي اللي أنا معشراه، ده إنسان من أنضف رجال الدنيا، وإنسان محترم ومتربي وبيحبني أكتر من نفسه وميستاهلش أبدا أبدا منكم كم القسوة ده بس أنا مدياكوا العذر علشان أنتوا متعرفهوش، بس عايزة اقولكوا إن الراجل اللي ربنا حاطه في طريقي في الوقت ده، في وقت أنا كنت فيه متكسرة ومتدمرة هو بنى لي شخصيتي وخلاني بقيت بعرف اتكلم ورجع لنفسي تاني الثقة، حسام ربنا هو اللي بعتهولي، فربنا مبيعمليش حاجة وحشة”.

استكملت: “حسام بيحبنا أكتر من نفسه أنا وبناتي، ده دليل إنه من ساعة ما اتجوزني ماستفدش اي حاجة ومعملش لنفسه أي حاجة، وهو بس عايش علشان يخاف عليا وعلى عيالي من كل شيء، وبالنسبة لحاجات كتيرة مش المفروض أرد عليها لكن أنا عايزة أقول كمان إن الست حماتي اللي ربت راجل أخلاقه عاملة كده لازم تكون ست عظيمة، فحسام إنسان عظيم وأمه ست عظيمة ويتمنى منكم إن انتو تدعولنا بالذرية الصالحة وبقولكم مفيش أي حاجة من دي خالص حسام إنسان نقي ونضيف وربنا هو اللي بعتهولي”.