شاشة

نور النبوي عن التمثيل مع والده: لما أثبت له إني ممثل كويس

قال الفنان نور خالد النبوي، إنه عندما أخبر والده أنه يرغب في التمثيل، قال له إن عليه الدراسة، مضيفا: “قالي قبلوك خلاص، مقبلوكش أنا مليش دعوة”.

تابع “النبوي” خلال لقائه مع “ET بالعربي”: “لما درست وخلصت، أو لسه يعني فاضلي سنة، قالي روح اعمل اوديشن، قبلوك تمام، مقبلوكش مليش دعوة، هو عايز يتأكد إن أنا ممثل كويس ولا لا”.

نرشح لك: هاني سلامة عن تقديم جزء ثاني من “السلم والثعبان”: لا أفضل التكرار


استكمل: “هو أول واحد اداني فيلم اتفرج عليه وازاي اتفرج على الفيلم، أول واحد اداني كتاب وازاي اقرأ الكتاب، هو بيعلم، بيعلم ازاي اعمل كل حاجة، وفي الآخر كل واحد يعمل اللي هو عايزه”.

أردف: “أنا بدرس برة مصر تمثيل وإخراج، مسرح، لسه بدرس بس علشان كورونا أنا هنا دلوقتي في مصر، وأنا عندي ٥ سنين وشوفت فيلم، كنت مبهور، عاشق السينما وعايز أبقى مكان البطل، أدركت ده متأخر، أدركت ده وأنا عندي ٢٠ سنة بدأت أقول لا أنا عايز أبقى ممثل”.

أضاف: “أكتر النصايح اللي ممكن افتكرها، إن هو بيقولي وسع حدودك، دايما روح ذاكر، روح ألعب رياضة، اتفرج على أفلام”.

وعن مشاركته مع والده خالد النبوي في عمل، قال: “لما أثبت له الأول إن أنا ممثل كويس وبعدين اشاركه، لكن على طول كده أشارك خالد النبوي، لا، إحنا بنشوفها إن أنا عايز أمثل يبقى ابدأ الطريق صح، خطوة خطوة، لحد ما تيجي الخبرة والفرصة إني أبقى واقف مع خالد النبوي هعمل كده، ده الطبيعي ده الصح”.

أشار إلى أنه يشارك في فيلم “ورق التوت” من إخراج حسام علي، مضيفا أنه وقع هذا العمل بعد مشاركته في مسلسل “الاختيار 2” بيوم.

يشار إلى أن نور النبوي شارك في مسلسل “الاختيار 2” من تأليف هاني سرحان وإخراج بيتر ميمي وإنتاج شركة سينرجي وبطولة كريم عبد العزيز وأحمد مكي وإياد نصار وإنجي المقدم وأسماء أبو اليزيد ومحمد علاء وإسلام جمال وأحمد شاكر عبد اللطيف ورياض الخولي وبشرى.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock