ليلى علوي: فيلم "ماما حامل" يهم الأسرة جدا

 

علقت الفنانة ليلى علوي، على مشاركتها في فيلم “ماما حامل” المقرر عرضه في دور العرض السينمائية يوم 2 يونيو المقبل، وقالت: “أول ما سمعت اسم الفيلم ابتسمت وقولت ده لذيذ”.

تابعت “علوي” خلال تسجيل صوتي لـ “ET بالعربي”، أنها عندما قرأت السيناريو ووجدت أن الفكرة غير متوقعة وجديدة وكوميدية، مضيفة أنها شعرت أنه يهم الأسرة جدا.

نرشح لك: شاهد.. برومو فيلم “ماما حامل” لـ ليلى علوي وبيومي فؤاد

استكملت: “إحنا دلوقتي محتاجين حاجات تخفف علينا شوية، ونضحك وتهون علينا اللي إحنا فيه ده، كنت بقرأ الاسكريبت وبضحك، بس طبعا وإحنا بنصور المشاهد كنت بضحك أكتر وأكتر لأن هما طبعا فظاع جدا، أنا أول مرة بشتغل مع حمدي الميرغني ولذيذ جدا وطيب وحنين وبيحب أسرته جدا، سلام كمان جميل، أما الأستاذ بيومي فؤاد جميل جدا، والحقيقة بسرعة أخدنا على بعض”.

أردفت: “والحقيقة مهما كان فيه ظروف أو وقت طويل في التصوير، كل ده مجرد ما بنتلم، كل ده كان بيخفف جامد جدا عننا أي تعب وأي توتر”.

وجهت رسالة للفنان شريف دسوقي، الذي شارك في الفيلم، بعد إجرائه عملية جراحية وبتر قدمه، وقالت: “يهمني جدا أقول للأستاذ شريف دسوقي حمد لله على سلامتك وبدعيله بتمام الشفاء، وإن شاء الله شدة وتزول ونرجع أحسن من الأول بكتير، شكرا يا مصر، بشكر الدولة على مساندتها للفنانين.

فيلم “ماما حامل” تأليف لؤي السيد وإخراج محمود كريم، ومن بطولة ليلى علوي وبيومي فؤاد وحمدي الميرغني ومحمد سلام، ومحمد ثروت، ونانسي صلاح، وهدى الأتربي، وسامي مغاوري.