خبر

محمد كارتر يعلن إصابة والدته بكورونا

شارك المنتج محمد كارتر، الجمهور بصورة أعلن من خلالها إصابة والدته بفيروس كورونا، وإيداعها إحدى مستشفيات العزل.

نشر “كارتر” الصورة عبر حسابه الشخصي على موقع “إنستجرام” وعلق عليها كاتبًا: “أصعب إحساس ممكن الإنسان يحس بيه وقت دخول مستشفى العزل وانت رايح تسيبلهم أمك إحساس بفقدان الحياة ليك ولأمك إحساس بالوداع”.

نرشح لك: رمضان 2021.. مسلسل “ولاد ناس” يناقش الصحة النفسية للأبناء

تابع: ” ساعتها بتشوف شريط حياتك بيعدي قدام عينك في لحظة بتشوف وهي واخداك من إيدك أول يوم مدرسة بتشوف وهي بتحرم نفسها من متع الحياة علشان انت تلبس كويس وتتعلم كويس وتاكل كويس بتشوف ضحكتها في وقت فرحك بتشوف دموعها في وقت حزنك بتشوف روحك بتتسحب منك بمجرد ما تدخل طرقة مكان العزل لأن ساعتها بتحس انك في فيلم رعب ودوامة إحساس بالغرق في البحر نفسك بيتقطع بتشم ريحة الموت حواليك”.

أضاف: ” بعد شوية بتفتكر إن كل ده بسبب لحظة إهمال انك تاخد بالك من نفسك ومن اللي حواليك أرجوكم اضغطوا علي أمهاتكم وبالذات كبار السن مينزلوش الشوارع ميتعملوش مع حد ولا دليفري ولو أصعب الظروف هاينزلو يلبسو الكمامة وميسبوش الكحول من إيدهم تعالوا علي نفسكم واشتروا انتو طلبات البيت وتتعقم كويس أغلب أمهاتنا عايشين على طبيعتهم ومحدش بيعقم حاجة”.

اختتم حديثة داعيًا لوالدته بالشفاء حيث كتب: “اللهم إني أسألك من عظيم لطفك، وكرمك، وسترك الجميل، أن تشفي أمي وتمدها بالصحة والعافية لا ملجأ ولا منجا منك إلّا إليك إنك على كل شيءٍ قدير”.

 

View this post on Instagram

 

A post shared by mohamed Carter (@carter_moh)

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock