بسبب رمضان.. مواجهة غير مباشرة بين نشوى مصطفى وميار الببلاوي
شاركت الفنانة نشوى مصطفى، الجمهور بمنشور انتقدت من خلاله ظهور إحدى الفنانات في عمل فني في الموسم الرمضاني المقبل، بعد أن كانت قد حرمت عمل الفنانين في هذا الشهر.
وكتبت “مصطفى” في المنشور الذي طرحته الآتي: “السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبوا لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت منى لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان”.
نرشح لك: نشوى مصطفى تنتقد فنانة محجبة بسبب مشاركتها في رمضان 2021
جاء ذلك بعد دقائق قليلة من ظهور الفنانة ميار الببلاوي، عبر حسابها الشخصي على موقع “فيسبوك” في بث مباشر من كواليس تصوير أحد المسلسلات الرمضانية والتي لم ترد الكشف عن اسمه حتى الآن.
وكانت نشوى مصطفى، قد هاجمت “الببلاوي” بعد أن طرحت الأخيرة منشورًا هاجمت فيه الفنانين المشاركين في موسم رمضان 2020، حيث كتبت: “بجد مقدرين تضحياتكم الفظيعة في سبيل شهر ربنا شهر الرحمة والمغفرة والصلاة والصوم والذكر إنكم مصممين تضيعوه علينا، كان رمضانكم غير رمضانا استغفر الله كان رمضان مش هيبقى رمضان من غير المسلسلات والمسابقات واللهو اللى أغضب ربنا علينا العمرة اتمنعت والأذان والمساجد اتقفلت رحمة ربنا اللي محتاجينها دلوقتي اللجوء ليه مش لمسلسلاتكم حتى لو صحابي هيزعلوا مني بس ربنا بيقولكوا سيبوا رمضان لأهل رمضان اتقوا الله علشان يجعل لنا مخرج ويرفع الوباء والبلاء مين معايا يا جماعة”.
لترد عليها “مصطفى” كاتبة: “ودي زميلة ممثلة ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله”.
أضافت: “هو أنتي يا ميار اعتزلتي التمثيل؟ أصلك لحد قريب كنت عارفة أنك بتمثلي عادي حتى لو في رمضان.. وبعدين الممثلين يضيعوا عليكي رمضان ليه؟ أنتي عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار.. يا ميار حرام تستعدي الناس على زمايلك وتقولي للناس مين معايا”.
