أحمد السعدني يعتذر للجمهور عن مشاركته في مسلسل "كله بالحب"

أعلن الفنان أحمد السعدني اعتذاره عن مشاركته في مسلسل “كله بالحب” المقرر عرضه في رمضان المقبل. وذلك بسبب مشكلات تحدث في المسلسل وعدم التزام شركة الإنتاج بشروط التعاقد بينهما.

نشر “السعدني” عبر حسابه الشخصي على موقع التواصل الاجتماعي فيس بوك، وكتب: “بسم الله الرحمن الرحيم، الحقيقة أنا عمري ما عملت مشكلة في شغلي وعمري ما اختلفت مع زمايلي إنما أنا اللي بيحصل معايا في المسلسل اللي شغال فيه ٢٤ ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف، أنا متربي في ستوديوهات كبرنا أنا واللي زيي اللي كان بيتقال عليهم أبناء الفنانين كأنها شتيمة على احترام مهنتنا مواعيدنا ومذاكرتنا وتحضيرنا للشغل”.

نرشح لك: هل ينسحب أحمد السعدني من موسم رمضان 2021؟

تابع: “احترامنا للكلمة قبل العقد للأسف شركة الإنتاج ملتزمتش معايا باتفاقهم اللي على أساسه وافقت اشتغل وكان شرط أساسي لقبولي الشغل معاهم والحقيقة أول مرة أشوف تصميم دعايا عمل فني من أفيشات وبرومو بتعمله زميلو في العمل، طول عمري كنت فاكرها من اختصاص شركة الإنتاج”.

استكمل: “الحقيقة أنا ضهري في الحيط أكمل وأقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب ولا أقعد في بيتنا واكتفي باللي صورته واطلب من النقابة تجيبلي حقوقي المادية، وفي كل الأحوال أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة”.