يوسف عمر عن إصابته في إعلان محمد رمضان: تعرضت للتهديد

أثارت إصابة الفنان الشاب يوسف عمر، في إعلان لعبة “Free Fire” مع محمد رمضان، الجدل خلال الساعات الماضية، بعد تعرضه لحروق من الدرجة الأولى أثناء التصوير.

تحدث “عمر” عن الإصابة لـ ET بالعربي، قائلا: “حد كلمني عن تصوير مع محمد رمضان ورحت عليه كان المفروض إعلان لعبة اسمها (Free Fire) هي لعبة زي (Pubgi) والمفروض أن التصوير كله أكشن وفرقعة ومتفجرات وحاجات كده، وعمري ما كان يجي ببالي أن يصل الموضوع للدرجاتي”.

نرشح لك: القصة الكاملة لإصابات إعلان محمد رمضان

أضاف: “بعد انفجار القنبلة قعدت حوالي ربع ساعة مش سامع ولا شايف حاجة، ولغاية دلوقتي لديّ مشكلة في السمع وصداع نصفي ما بيروحش”، مردفا: “الإنتاج وقف معايا وجبولي دكتور ونقلوني إلى المسشتفى ورحت للدكتور وقلي عندي حروق من الدرجة الأولى والجروح بسبب اندفاع الهواء من القنبلة نفسها لأنها كانت قربة واندفاع الهواء هو عمل الجروح دي وعمل ورم كبير قوي، وكان لدي التهاب في جدار الخصية، وقلي الدكتور الحمد الله أن القنبلة جات في رجلي، وقلي المفروض أسبوع أو 10 أيام محتاج للراحة عشان بعد كده تعود الأمور بشكل طبيعي”.

لفت يوسف عمر إلى أن “ردّ فعل عصام ماكنش زي رد فعل واحد مش عارف عمل إيه وهو أول شخص أتى لي بعد الانفجار، وردة فعله لم تكن زي واحد متفاجىء مما حصل، وهو عارف تقريبًا عمل إيه، وقلي اسمي كذا وكذا وأنا شغال في المجال ده من زمان وكان كلامه فيه تهديد بشكل غير مباشر، ولم يعتذر مني حتى وقالي أنت الغلطان ولم تنط في الوقت الصح وحملني المسؤولية كلها، فأنا قلت عالقللية قالي كده هنصور حاجات خطر، قالي عمري ما توقعت أنه ده يحصل وقالي أنه ممكن انصاب أو يحصلي”.

أكدّ على أنه خرج من المستشفى أمس، مردفا: “الحمد الله الدكتور قالي بحاجة راحة والحمدا لله عدت على خير وماشي على العلاج ده لغاية ما الأوضاع تتحسن بإذن الله”، مشيرا إلى أن “أشرف زكي منذ لحظة وقوع الحادثة وهو كان معايا لحظة بلحظة وهو من نقلني إلى المستشفى، وأنا لسه لا أعرف ما هي الإجراءات القانونية ومستني إيه اللي حيحصل وأطمن على نفسي وربنا يسهل”.