إيهاب توفيق: مستعد لخوض تجربة التمثيل

قال الفنان إيهاب توفيق، عن مشاركته في برنامج “The Masked Singer- أنت مين”، إنه تجاوب مع فكرة البرنامج بعكس عادته في قبول الظهور في البرامج.

أضاف “توفيق” خلال حوار له مع برنامج “ET بالعربي“، أنه بدأ بوضع خطته في البرنامج بعد اختياره لشخصية “الكوبرا”، مضيفا: “وكنت مصر إن دي الشخصية اللي هلعبها، لأن السيمات بتاعتها كانت متغيرة”.

نرشح لك: إيهاب توفيق الفائز بالموسم الأول من “the masked singer-إنت مين؟”

تابع: “لو كنت اتعرفت أو الشو اللي بقدمه مكنش على المستوى اللازم كنت خرجت من أول حلقة مفيهاش كلام، وفي نجوم كبار طلعوا من أول حلقة، لكن الحمد لله اللي أنا عملته كان أهلني للمراحل النهائية والفوز بالبرنامج”.

أشار إلى أنه غنى 7 ألوان مختلفة من الغناء بعيدة عن بعضها، مردفا: كل مرة كنت بفاجئ الجمهور بلهجة مختلفة وبأتقنها، وكل مرة كانوا يختلفوا على جنسيتي، وكنت مبسوط أن الماسك مش مخليني متقيد زي ما بظهر للجمهور بالشكل الكلاسيكي”.

استكمل: “الفكرة بتاعة البرنامج أنك تغني أغاني بتاعة حد تاني بدون أي محاذير، لكن في الطبيعة لو هغني بلهجات تانية أتمنى التحضير ليها جيدا وتكون أغاني جديدة مش أغاني حد تاني”، متابعا: “مستعد أغني كل اللهجات بعد نجاحي في المصري، معنديش مشكلة أبدا”.

واصل: “اتعرض عليا سينما ومسرح ومسلسلات وكنت برفض الموضوع، لكن دلوقت لو في فكرة ممكن أقدمها تكون مناسبة ليا للحالة والشكل اللي أنا عليه”، مشيرا إلى أن تصوير البرنامج كان مرهقا بسبب ظروف سفره إلى أمريكا لزيارة عائلته، مضيفا: “زوجتي وأولادي في أمريكا بسبب ظروف العلاج والدراسة وإقامتهم هناك”.

كان الفنان إيهاب توفيق فاز بلقب برنامج “The Masked Singer- أنت مين”، الذي أُذيع عبر شاشة “MBC”، وكان يعتمد على فكرة تخفي النجم.