لبنى ونس تهاجم محمد رمضان: "ربنا هيجيب حق ابني"

هاجمت الفنانة لبنى ونس، الفنان محمد رمضان، بعد تعرض نجلها الفنان الشاب يوسف عمر لإصابة بالغة من كواليس تصوير إعلانه الجديد لصالح لعبة “Free Fire”.

كتبت “ونس” عبر حسابها على موقع التواصل الاجتماعي “فيس بوك”: “إذا عملنا كل حاجة طبيعية وحقيقية كنا هَلَكنا، ولا تُلقوا بأيديكم إلى التهلُكه. يعنى إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك! في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المِحور والكل يدور حوله”.

نرشح لك: القصة الكاملة لإصابات إعلان محمد رمضان

تابعت: “هل ممكن تتعرض لما حدث لابني في التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللي عاجبك بتوافق عليه واللي مش عاجبك بتغيره”.

أضافت: “يعنى القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟! أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله في حبكم يهون!”.

أردفت: “بس أرجع وأقولك ابني ربنا هايجبله حقه من اللي اسمه عصام الوريث ده اللي ميعرفش أبجديات عمله اللي بيستبيح حياة الشباب عشان يحقق الطبيعية المزعومة، الغلط اللي حضرتك بتتكلم عنها حق ابني إن شاء الله هايرجعله مش هاسيبه عشان يبطل سي الوريث ده أنه يستهين بحياه الناس، سؤال بقى لما نموت سيادة النجم هايندفن فين؟ الديان والعدل والحق موجود واعتمدنا عليك يا رب”.

كان الفنان محمد رمضان، أعلن أمس الجمعة، عن إصابته بإصابة خطيرة خلال التصوير لرمضان المقبل، دون الكشف عن تفاصيل الحادث وتوضيح ملابساته.

كتب “رمضان” عبر حسابه على موقع تبادل الصور والفيديوهات “إنستجرام”: “الحمد لله وقدر الله وما شاء فعل، إصابتي كانت شديدة أثناء تصوير النهارده ولكن الحمد لله الأهم إن الشغل يوصلكم حقيقي وكله في حبكم يهون، ثقة في الله نجاح دائما أبدا، رمضان يجمعنا”. مرفقا تعليقه بفيديو يوضح إصابته الخطيرة.

لم يُفصح “رمضان” عن أسباب الإصابة، وربط البعض إصابته بتصوير مسلسل “موسى” الذي يستعد لتقديمه رمضان 2021، لكن الأخبار التي ظهرت بعد ذلك تبين منها أن محمد رمضان لم يُصاب خلال تصويره الملسلسل الذي يستعد له خلال الشهر المبارك. لكن وفقًا لـ “ET بالعربي” أن التصوير كان لصالح لإعلان لأحد الألعاب الجديدة والتي تسمى “Free Fire” وهي لعبة أكشن ومحمد رمضان هو الوجه الإعلاني للعبة.