الأخيرة

تعني لي كتير.. تامر حسني يكشف السر وراء صورة من إعلانه الجديد

شارك الفنان تامر حسني، الجمهور بصورة ظهر فيها مع بعض الأطفال في كواليس تصوير إعلانه الجديد.

نشر “حسني” الصورة عبر حسابه الشخصي على موقع “إنستجرام” وعلق عليها كاتبًا: “يا نهار الشوق على أجمل ناس.. الصورة دي من تصوير إعلان جديد ليا بس تعنيلي كتير أوي، عشان كدا حبيت أكلمكم عليها وبعد ما أخلص كلام هتتأكدوا أنها تعني ليكوا انتوا كمان، هحاول اختصر”.

نرشح لك: ردا على رسائل متابعيه.. تامر حسني: مش في ايدينا غير الدعاء

تابع: “من سنين كنت مكان الأطفال الجميلة دول بدرس الموسيقى هنا في الكونسير ڤاتوار ولما كان يدخل علينا فنان مشهور كنا بنفرح أوي وبيبقى عندنا حالة ذهول وكنت بقول يارب في يوم من الأيام أكبر وأنجح وادخل نفس الدخلة دي وأنا فنان مشهور وأشوف نفس النظرة الجميلة دي في عيون التلاميذ والأساتذة”.

أردف: “الحقيقة إني لما دخلت عليهم شفت نظره أكبر بمليون مرة من اللي حلمت بيها، نظرة حب وبكاء ومثل أعلى وأسئلة كتير منهم عن مشواري وفضلت يوم كامل أثناء التصوير بحكيلهم وبشجعهم، واتمشينا في كل مكان جوه المعهد درست فيه ولعبت فيه”.

اختتم: “هقول حاجة وكل واحد يقيسها على مجاله، أكتر حد فيكوا هيحب النظرة والمعنى اللي في الصورة وهيتمناه وهيتعب له، هو أول واحد هيوصله، بس كدا.. نهاركم جميل زيكم”.

 

View this post on Instagram

 

A post shared by Tamer Hosny (@tamerhosny)

يشار إلى أن تامر حسني، غنى مؤخرًا الأغنية الرسمية لبطولة كأس العالم لكرة اليد، التي أقيمت الشهر الماضي بمصر.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock