منى زكي: ختان الإناث جريمة

شاركت الفنانة منى زكي في التوعية بقضية ختان الإناث بمناسبة “اليوم العالمي للقضاء على ختان البنات”.

نشرت “زكي” عبر حسابها الشخصي على موقع التواصل الاجتماعي فيسبوك، وكتبت: “مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة وصحة وحياة بناتهم”.

نرشح لك: صفاء سلطان: ضد منع زواج القاصرات

تابعت: “ختان البنات مش عفة ولا أي حاجة من الكلام ده، وللأسف فيه أهالي كتير فاكرين إنهم لو عملوا “ختان طبي” لبناتهم يبقى كدة عملوا اللي عليهم، أنتي أكتر واحدة عارفة مصلحة بنتك، وأكتر واحدة تقدري تحميها من جريمة مايقبلهاش عقل ولا طب ولا دين ولا قانون”.

واصلت: “النهاردة اليوم العالمي للقضاء على ختان البنات، وأنا كسفيرة نوايا حسنة ليونيسف حابة أوعي الناس بالقضية دي، خصوصًا إن ناس كتير لسه متعرفش إن فيه جهة حكومية اسمها اللجنة الوطنية للقضاء على ختان الإناث بقيادة المجلس القومي للمرأة والمجلس القومي للطفولة للتوعية بأضرار ختان البنات، لو عاوزة تستفسري أكتر أو محتاجة مساعدة علشان تحمي نفسك أو بنتك أو أي بنت تانية من الختان، كلمى خط نجدة الطفل 16000 أو خط المرأة 15115، وربنا يحمي كل البنات”.

مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة…

Posted by Mona Zaki on Saturday, February 6, 2021