أحد ضحايا مستريح المنيا: وعدونا بـ 15 ألف جنيه في الشهر

قال محمد الحنبولي، أحد ضحايا مستريح محافظة المنيا، إنه يقطن مركز مغاغة، وأعطى مستريح المنيا 100 ألف جنيه، بسبب ترويج الشيخ حمدي وهو شخص ملتحي أحد أعضاء اللجنة العرفية لما رآه عند الشيخ حسين.

أضاف في مداخلة هاتفية مع الإعلامية لميس الحديدي مقدمة برنامج “كلمة أخيرة” الذي يعرض على قناة “ON”، مساء اليوم الاثنين: “بعد اللي قاله وإنه ارتاح قلبه عند حسين الناس بقت تبيع بيوتها عشان تبعت له فلوس، دقنه هي السبب، حمدي مش بتاع ربنا، أنا ماضي ومراتي على إيصالات في البنوك ومش عارفين نسد دلوقتي، وبيوتنا هتخرب، وادينا الفلوس دي لمحمد عبد الله شريكه، ولما اتكلم قال معرفش حاجة عن مصانعه، وكله بيلبس في بعضه”.

نرشح لك: إحالة المتهم بقتل أربعة بالقاهرة والإسكندرية لمحكمة الجنايات

تابع: “ازاي الشيخ حمدي بيحل وهو من أطراف الموضوع، والإيصالات اللي مع الناس كلها مضروبة، والناس كلها خايفة تروح تبلغ عشان محدش شافهم بيمضوا، كلنا بيوتنا اتدمرت وهنتحبس بسبب دقن الشيخ حمدي، ونطالب الحكومة بحلق دقن الشيخ حمدي”.

أردف: “وعدونا بإنهم يدونا 15 ألف جنيه في الشهر عن كل 100 ألف جنيه، ومأخدتش إلا شهر واحد، لترد عليه الإعلامية لميس الحديدي مستنكرة حديثه: “يعني 180% في السنة؟! ده ولا المخدرات”.

واصل: “البلد عندنا حصل فيها مشاكل كبيرة وناس اتعورت وبيوت خربت وبيوت لسه هتخرب”.

يذكر أن برنامج “كلمة أخيرة” تقديم الإعلامية لميس الحديدي ويذاع من السبت إلى الثلاثاء في تمام التاسعة على شاشة “ON”.