"أديب" عن حديثه في موضوع نادي الجزيرة: "هي جت عليا!"

علق الإعلامي عمرو أديب، على واقعة حلوى نادي الجزيرة، قائلا إن بعض السيدات أرسلت له رسائل خاصة، تسأله فيها عن مبدأ الخصوصية لهؤلاء السيدات.

أضاف “أديب” خلال برنامج “الحكاية”، مساء الاثنين، المذاع عبر شاشة “MBC مصر”، أن كل شخص حر في منزله يفعل ما يشاء، مردفا: “إحنا الرجالة لما بنقعد مع بعض مبناكلش الكعكات دي”.

نرشح لك: واقعة نادي الجزيرة تصل مجلس النواب

أردف: “ممكن كرجالة نتكلم في حاجات خارجة، لكن بناخد بالنا في قعدتنا ونوطي صوتنا ومبنخرجش حاجات إباحية للناس”، متابعا أن الشخص حر ما لم يضر، مؤكدا أنهم أحرار في منزلهم لكن النادي مكان عام.

تابع: “اللي بقى بيعمل مشكلة كمان المدعوقة اللي اسمها السوشيال ميديا، زمان لو حد اتصور كانت هتبقى صورة فوتوغرافيا هيشوفها 5، لكن دلوقت الصور شافها 50 مليون”. مردفا أن السيدات أحرار فيما يفعلونه ولكن ليس في أماكن عامة، مشيرا إلى أنهم لم يتم تصويرهما خلسة بل صُوروا بكل أريحية.

وعن حديثه عن موضوع حلوى نادي الجزيرة، قال: “في واحد باعتلي يقولي مالقتش غير الموضوع دا، هي جت عليا أنا دا أنتوا عاملينه هاشتاج رقم 1، أنا معنديش جناحات ومخبيهم أنا خطاء وبغلط وبعمل حاجات غلط كتير بس في حد شوية”.