بسبب والدها.. لمياء عبد الحميد تستعيد ذكريات فطوطة

استعادت الإعلامية لمياء فهمي ذكرى وفاة والدها الـ31، وذكرت جهوده في إخراج فوازير رمضان.

نشرت “عبد الحميد” عبر حسابها الشخصي على موقع تبادل الصور والفيديوهات إنستجرام، صور لها ولوالدها وبوستر فوازير “فطوطة”، وكتبت: “جيل كامل يعرف إن زمان كان في حاجة اسمها فوازير رمضان لكن مايعرفوش إن صاحبها كان مخرج وإنسان عظيم اسمه الحاج فهمي عبد الحميد”.

نرشح لك:رد هنا شيحة على تعليق “دمك يلطش”

تابعت: “تعب وشقي وبنى نفسه بنفسه لا كان في أب سانده ولا أخ في ضهره لكن كان مؤمن بموهبته وفنه، كان سابق عصره زي ما قالوا عليه جه الدنيا زي النسمة علشان يمشي ويسيب 3 أولاد شايلين اسمه وذكرى في كل بيت في شهر رمضان وكأنه ضيف خفيف يرتبط بذكرياتنا وطفولتنا وزي ما كان بفنه سابق عصره كان برؤيته وإحساسه عارف إنه مش عايش كتير وإنه سايب ثروة لينا ما تتقدرش بملايين الدنيا وإن بعد خمسين سنة هيقولوا كان في واحد اسمه فهمي عبد الحميد سيبتلي أغلى ثروة يا بابا وحشتني كلمة بابا اسمك وسيرتك وطيبتك وفنك أجمل وأعظم ثروة سيبتهلنا يا حبيبي النهاردة”.

اختتمت: “مر 31 سنة على رحيلك عنا ولسه بيقولوا كان في واحد اسمه الحاج فهمي عبد الحميد وهيفضل اسمك وسيرتك موجودة بكل خير يا حبيبي اسألكك الدعاء وقراءة الفاتحة”.

يذكر أن لمياء فهمي تقدم برنامج “الدنيا بخير” المذاع على شاشة الحياة، الساعة 3 عصرا.