فادية عبد الغني للمنتجين: "هتندموا.. كورونا هتاخدنا واحد ورا التاني"
وجهت الفنانة فادية عبد الغني رسالة للمنتجين في مصر، بأن يستغلوا وجود الفنانين قبل أن يرحلوا بسبب فيروس كورونا.
تابعت خلال لقائها مع الإعلامي رامي رضوان في برنامج “مساء dmc” اليوم الجمعة، المذاع عبر شاشة “dmc”: “الحقونا هتندموا.. كورونا هتاخدنا واحد ورا التاني”
نرشح لك: فادية عبد الغني عن ابتعادها عن التمثيل: “معمولي عمل”
أضافت : “غيابي عن الساحة الفنية مش ذنبي، أنا موجودة وأعمالي بتتذاع وشغلي مالي القنوات”.
أضافت: “الظاهر معمولي عمل على قرموط بيجري في ميه.. كل سنة بيتعرض عليا حاجات، وأنا بعتبر نفسي عملت حاجات كويسة ربع صفحة في تاريخ الفن، ومش عاوزة أبوظ أو أقلل من قيمة اللي عملته”.
أردفت: “لأن كل اللي بيتعرض عليا بحس إني داخلة فسوخة في الحكاية وخلاص، لأن أنا أعتقد إن عندي قدرة كويسة إني اتحط في المكان المناسب”.
يذكر أن آخر أعمال فادية عبد الغني الدرامية كان مسلسل “الحلال” من بطولة سمية الخشاب وبيومي فؤاد ويسر اللوزي ودينا فؤاد ومها أحمد، تأليف سماح الحريري، إخراج أحمد شفيق.