فادية عبد الغني عن ابتعادها عن التمثيل: "معمولي عمل"
دنيا شمعة
قالت الفنانة فادية عبد الغني، إن غيابها عن الساحة الفنية، سببه أنها لا تريد تقليل قيمة أعمالها، بالإضافة إلى عدم وجود أدوار مناسبة.
تابعت خلال لقائها مع الإعلامي رامي رضوان في برنامج “مساء dmc” مساء الجمعة، المذاع عبر شاشة “dmc”: “غيابي عن الساحة الفنية مش ذنبي، أنا موجودة وأعمالي بتتذاع وشغلي مالي القنوات، وأعمالي رغم إن عدى عليها سنين وعمر كبير إلا أنها ليها تأثير كبير على الجمهور وبتتشاف”.
نرشح لك: فادية عبد الغني: “قولت لبنتي الجواز أحسن من التمثيل”
أضافت: “الظاهر معمولى عمل على قرموط بيجرى في ميه.. كل سنة بيتعرض عليا حاجات، وأنا بعتبر نفسي عملت حاجات كويسة ربع صفحة في تاريخ الفن، ومش عاوزة أبوظ أو أقلل من قيمة اللي عملته”.
أردفت: “لأن كل اللي بيتعرض عليا بحس إني داخلة فسوخة في الحكاية وخلاص، لأن أنا أعتقد إن عندي قدرة كويسة إني اتحط في المكان المناسب”.
يذكر أن آخر أعمال فادية عبد الغني الدرامية كان مسلسل “الحلال” من بطولة سمية الخشاب وبيومي فؤاد ويسر اللوزي ودينا فؤاد ومها أحمد، تأليف سماح الحريري، إخراج أحمد شفيق.