الأخيرة

ردًا على المهاترات.. تامر حسين يدافع عن عزيز الشافعي

دافع الشاعر تامر حسين، عن الملحن عزيز الشافعي، بعد الهجوم الذي لاقاه من قِبل الفنان رامي صبري، بشأن إحدى الأغاني التي لحنها.

نشر “حسين” عبر صفحته الرسمية على موقع “فيس بوك” منشورًا كتب فيه: “ردا ً على المُهاترات اللي بسمعها، أولاً ليه بنجيب وبنقحم دايماً اسم (عمرو دياب) في جُملة مفيدة؟ ايه الغرض؟، ثانيا توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعنى ليه الكلام ده مكنش في أول يوم مثلاً؟ ده لو فعلاً الكلام على حق”.

نرشح لك: رد عزيز الشافعي على هجوم رامي صبري


تابع: “ثالثاً اللي اتعلمته ومن أدبيات المهنة ولازم الناس كلها تفهمه فكرة الذوقيات، يعنى ايه؟ يعنى نبارك لبعض نهني بعض مش نتهم الناس في عز نجاحهم بالباطل لما أي مُطرب في الدنيا بتعجبه أغنية المؤلف والملحن بيعملوا تنازل عن حقوق الاستغلال للمطرب، طالما محصلتش الخطوة دي من زمان تبقى الأغنية ملك الشاعر والملحن لحين اختيار الأفضل وارد جداً تسمع مطرب زميل أغنية من سنة سنتين ولضعف الرؤية الفنية ميتخيلش نجاحها ده اللي بيفرق مطرب عن مُطرب في سُرعة اتخاذ القرار أنا شايف إن في تجني على حق المُلحن عزيز الشافعي أدبياً ومعنوياً دي شهادة حق ومش شايف تماماً أي داعي يسمح بالكلام والصراعات دي”.

أردف:”وللمرة المليون الناس المُحترمة ما تعلنش مشاكلها في العلن، عيب في خصوصيات ميصحش ندخل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها واحنا أصحاب الحق وربنا يهدي، وأخيراً ياما ناس سمعت أغاني من سنة وسنتين ومكنش ليهم نصيب فيها معملهوش اللي بيتعمل ده لما الأغنية تنجح بالعكس فرحوا واتمنوا انها ياريت لو كانت أغنيتهم بكل حُب وتقدير وروح حلوة”.

اختتم: “وده بوست بكُل حُب والله عشان معنديش كلام يتقال تانى مش عايزين الموضوع ياخد أكبر من حجمه، هى شُهرة لـ الأغنية أكتر بس مابحبش الطريقة دى من الشهرة”.

 

ردا ً على شكراً والمُهاترات اللى بسمعها

أولاً ليه بنجيب وبنقحم دايماً أسم ( عمرو دياب) فى جُملة مفيدة ؟ ايه الغرض ؟…

Posted by TAMER HUSSIEN on Wednesday, January 6, 2021

يشار إلى أن رامي صبري، كان قد نشر عبر صفحته الرسمية على موقع “فيس بوك”، وجاء نصها كالآتي: “ولتاني مرة الملحن عزيز الشافعي ياخد أغنية مني واحنا شغالين فيها ويديها لفنان تاني وهو الفنان عمرو دياب بنفس الشكل التوزيعي والموزع، أغنية شكرا كده للي سبنا، أغنيه زي ما انتي، لذلك قررت عدم التعامل معه مرة أخرى”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock