تسجيل صوتي.. زينة: مشاعري تجاه الرجالة ماتت
وجهت الفنانة زينة التهنئة لأسرتها بمناسبة حلول العام الجديد، موضحة أنها تتمنى أن يكون عاما سعيدا بدون وباء أو أمراض لأولادها وأسرتها وكل أصدقائها.
أوضحت زينة في تسجيل صوتي لبرنامج ET بالعربي أن أول قرار ستتخذه في عام 2021 هو ألا تخاف وأن تتعايش مع ذلك، فضلا عن محاولة تقليل المصاريف قدر الإمكان، قائلة: “هلم إيدي شوية كمان في المصاريف، خاصة إني مسؤولة دلوقت وعندي التزامات وأولاد”.
نرشح لك: حورية فرغلي: الوسط الفني ابتعد عني بسبب شكل “أنفي”
وبسؤالها عن علاقتها بالرجال، وموقفها من الزواج والحب مستقبلا، أجابت زينة: “غالبا مشاعري ماتت تجاه الرجال، موضوع الزواج مش في دماغي، الحمد لله أنا تمام أوي كده.. محدش كرهني في الرجالة ما أنا إخواتي رجالة وولادي هيبقوا رجالة، بس بقيت أشوف الرجالة بشكل تاني ومختلف، مش لازم حب للزواج ما في حب أخوي وصداقة وزمالة.. الحب ده مش بس راجل وست”.
تابعت: “حب الزواج ده مش موجود.. أنا بني آدمه متعودتش أفشل.. أنا لما فشلت مكنش بمزاجي فا ده خلاني محبتش أعيد التجربة خالص، لذلك معنديش حب مستقبلي ولا كمان شوية ولا بعدين.. لما فشلت في الجواز قررت إني منفعش في الحتة دي خلاص.. أكيد في ناس محترمة وكويسة وممكن ألاقي مليون حد يحبني بس معنديش استعداد”.
وعن رأيها في خطوبة أليكس رودريجيز وجينيفر لوبيز، قالت زينة: “بحس إنه مبيحبهاش.. بحس إنه بيخونها وبيستغلها ومفيش حب حقيقي بينهم”.
View this post on Instagram