محمد السبكي: "خسارة المنتج حاليا مكسب للسينما"

قال المنتج محمد السبكي، إن صناعة السينما تعاني منذ ظهور فيروس كورونا، والتي بدأت بالإغلاق ثم التشغيل بنسبة محدودة.

اقترح “السبكي” خلال برنامج “حديث القاهرة” مع الإعلامي خيري رمضان وكريمة عوض، مساء الأحد، على قناة “القاهرة والناس”، أن يتم توزيع عرض الأفلام الكبرى من خلال عرض فيلمين في العام بدلا من 10 أفلام، وتكون هناك خطة لطرح الأفلام على التوالي، قائلا: “لازم نعرض الأفلام الكبيرة ونوزع الأفلام على قاعات العرض”.

نرشح لك: هاني شاكر عن حمو بيكا: “ميهونش عليا يتحبس”

وعن احتمالية خسارته حال عرض أفلامه الكبرى، قال: “هيعمل إيرادات كتير ولو خسر إيه المشكلة بس نشغل السينما والخسارة المؤقتة للمنتج هي مكسب للسينما وكل المنتجين كسبوا من السينما يدوها دلوقتي”.

تابع: “معايا فيلم أول لما يخلص هعرضه والقاعات فاضية نوزع العرض بس ماننزلش كلنا مع بعض بالأفلام، ويبقى مثلا كفاية فيلمين في السنة وبلاش يكون 10 أفلام في وقت واحد منتشرة ودور السينما، وتوزيع عرض الأفلام أحسن من وقف الحال، وممكن نعرض فى المنصات بس بعد السينما، ولازم يحصل تنظيم تتولاه غرفة صناعة السينما”.