بعد سكب العصير على فستانها.. بسمة وهبة: "دبحت فدى لله"

تعرضت الإعلامية بسمة وهبة، لحادث بسيط ليلة أمس قبل استلام جائزتها في مهرجان الفضائيات العربية، حيث سكبت عليها أكواب عصير، مما اضطرها لتغيير فستانها.

علقت بسمة على الواقعة صرحت لـ “ET بالعربي“: “اللي حصل مش طبيعي شوية، لأني أخدت حمام بعصير مانجا وفراولة، أنا لحد دلوقتي مش عارفة إن كان الـ Waiter وقعت منه هو أو في حد كان وراه علشان في قصص مختلفة، أولها طاولة شباب من غير المكرمين كانت ورانا وزقوه فوقع الصينية”.

نرشح لك: محمد فضل: سنعزل لاعبي المنتخب بعد العودة إلى مصر

أردفت: “وفي رواية إني قلت للـ Waiter مش عايزة عصير قام حط العصير وحدف الصينية عليا، وأنا بقول في الأول والآخر حتى لو البني آدمين دبرت لبعض، هو بأمر الله في الآخر، وممكن بقول إنه مش أذية ولعله خير”.

تابعت: “وبالنسبة للحصل بالصدفة كنت جايبة فستانين، فلما حصل اللي حصل لبست الفستان، وفي الأول وفي الآخر رغم إنه مش طبيعي والله أعلم لعله خير، وبفضل الله استلمت الجائزة، والنهاردة عاملة دبح بفدي لأنه يمكن عين أو حسد، دبحت فدى لله سبحانه وتعالى ونازلة بنفسي أوزعهم في السيدة زينب”.