الأخيرة

بعد أزمة مرضه.. نجل مها أحمد للجمهور: هعيش حياتي زي الأول

شارك عادل، نجل الفنانة مها أحمد، والفنان مجدي كامل، الجمهور بتدوينة طمأنهم من خلالها على حالته الصحية والنفسية.

نشر “كامل” عبر حسابه الشخصي على موقع “إنستجرام” صورة له وهو يتمرن على لعب كرة القدم، وعلق كاتبًا: “جمعة مباركة اللهم صلي على سيدنا محمد وعلى آله سيدنا محمد، الحمد الله دائماً وأبداً على كل شئ، بعد تعب فترة كبيرة وبعد أوحش إحساس حسيته في حياتي وبعد أصعب فترة عدت عليا في حياتي وعمري مقدر أنساها علشان الفترة دي خلتني أتعلم حاجات كتيرة جداً وخلتني أعرف مين اللي يستاهل اديلوا عيني ومين اللي مكنش ينفع يبقي موجود في حياتي أصلاً، الحمد الله إن ده حصل علشان ربنا يخليني اكتشف حاجات كتير كنت معمي عنها والحمد الله على النعمة الكبيرة وهي نعمة الناس اللي بتحبك وبتدعيلك من قلبه”.

نرشح لك: 12 تصريحًا لـ مها أحمد ومجدي كامل.. أبرزها عن الأزمات


تابع: “أنا بجد مبسوط أوي من الناس اللي كانت بتكلمني كل شوية ومن الناس اللي كانت بتبعتلي ومن الناس اللي كانت بتدعيلي وهما أصلاً في ناس كتيره جداً منهم ميعرفنيش أنا بجد عارف أشكركم إزاي ولا عارف أقول كلام يوصف قد ايه انتوا ناس طيبة وجدعة وناس قلوبها صافيه وبتتمني الخير لغيرهم ألف ألف شكر لكل الناس اللي كلمتني وكانت قلقانه عليا، أنا الحمد الله بقيت تمام ورجعت أحسن من الأول وطلعت من اللي أنا كنت في ومن انهارده إن شاء الله هنزل التمرين وهرجع أتمرن تاني وأعيش حياتي زي الأول والحمد الله على الدرس اللي أنا اتعلمته في الفترة دي وإن شاء الله اللي جاي يكون أحسن و يكون كله إيجابيات ويكون كله نجاح وفرح وسعادة”.

اختتم: “أحب أشكر كل الناس تاني انتوا على راسي من فوق والله وأنا دلوقتي عرفت وبقيت متأكد ان ساعات الغريب عنك بيكون أحسن مليون مرة من أقرب الناس ليك علشان اكتشفت إن الغريب بيفضل زعلان عليك لكن القريب بيزعل عليك شويه وبينسي، المهم مش عايز أطول عليكوا أنا الحمد الله بقيت زي الفل ومن انهارده حياة مختلفة تماماً عن اللي فاتت وحياة أحسن بأذن الله”.

https://www.instagram.com/p/CGsLI3zJbZv/?utm_source=ig_web_copy_link

يشار إلى أن نجل الفنانة مها أحمد، والفنان مجدي كامل، كان قد كتب مؤخرًا، منشورًا عبر حسابه على موقع تبادل الصور والفيديوهات “إنستجرام” جاء نصه كالآتي: “أنا بكتب الكلام ده وأنا إيدي بتترعش وفعلا تعبان ومش قادر ومش عارف أنا عندي إيه ومش عارف اتكلم مع حد علشان مش عايز أخلي حد يشيل همي”.

تابع: “بس أنا هكتب الكلام اللي عايز اكتبه ده علشان أنا مش عارف اللي جاي إيه ولا هيحصل إيه، أنا حياتي بايظه بقالها أربع شهور من يوم 15-6 لحد انهارده 15-10، الأربع شهور دول أوحش أربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني وتعبتني وأثرت علي نفسيتي، أولهم كان أول حب في حياتي عاش لمدة سنة ونص وكان نهايته يوم 15-6”.

أردف: “بعدها كان وفاة حفناوي صاحبي وأخويا يمكن مكناش قريبين من بعض بس مجرد مابنتكلم مع بعض أو بنشوف بعض بيبقي اكننا نعرف بعض من الحضانة وكان في ذكريات حلوة أووي لينا مع بعض، بعدها البيت بتاعنا لما غرق كله ولحد دلوقتي منعرفش غرق ازاي ولا إيه اللي حصل بس الحمد الله على كل شيء ولحد دلوقتي البيت لسه بايظ”.

أضاف: “آخرهم بقى وده لسه من 3 أيام إني تعبت جدا فجأه وتعبت تعب مش عادي ومش عارف أنا عندي إيه ولا الدكاتره عارفين أنا عندي إيه، خدت جميع الأدويه وخدت حقن وبنام كويس وباكل كويس وبعمل كل حاجة وبرضه مفيش أي تحسن، أنا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده وكتبت كده وهنزله علشان أنا بجد خايف من اللي جاي ومش عارف إيه اللي ممكن يحصل، فعلشان لو حصل حاجه أكون كتبت كل اللي جوايا وأكون ارتحت إني عملت كده وعلشان برضه تكونوا عارفين أن الضحك والهزار والخروج والاستوريز مش دي الحياة الحقيقية، الحياة الحقيقية هي اللي أنا حكاتها دلوقتي”.

اختتم: “محدش يعرف أنت حياتك عاملة ازاي ولا إيه اللي بيحصل فيها ولا جواك إيه كله شايفك في صور وفيديوهات مش حقيقية، المهم ربنا يستر في اللي جاي ويعدي على خير إن شاء الله علشان المره دي أنا بجد حسيت بالموت، فلو عدت على خير حيات الواحد هيتغير تماما في كل حاجة حتى في الصور والفيديوهات، يا رب أنت الشافي المعافي”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock